【夏日傾情】黎明自嘲當年金曲唱功 為粉絲重錄新版:做人要與時並進

娛樂 12:28 2022/01/06

分享:

分享:

黎明再錄《夏日傾情》

天王黎明(Leon)一向十分貼地,及出名照顧粉絲,今日Leon在社交平台發文,稱近日重聽自己90年代名作《夏日傾情》,自覺唱得太「震撼」,為與時並進,及令粉絲可以聽得舒,故決定重錄全新版本,更克服萬難取得版權,盼令一眾fans喜歡

黎明今天早上在facebook發文,解釋重唱《夏日傾情》原因:「夏日傾情一曲是我初出道冇幾耐錄的一首歌,其實自己都很久沒有聽過,因為有機會開演唱會,在彩排時唱或在演唱會唱,因為自己都熟所以冇需要攞返當年嘅CD版嚟聽,但喺舊年有一次坐人哋車,個人突然播出夏日傾情當年版,我一聽之下,即刻醒悟,什麼叫做:力拔山兮氣蓋世,」

    點擊圖片放大
    +8
    +7

Leon幽默道:「唉聽返當日自己唱的版本,真係震過貓王,不停震,句句尾個隻字都震,我意思係啲震音~~講真一聽返連我自己都無法忍受,令我恍然大悟,鍾意聽呢首歌嘅朋友,我辛苦了你們的支持,真係要講句,對不起我愛你,為咗防止大家唔覺意再聽返當年的震音老土版,我覺得自己馬上需要重新錄製此曲,亦都經過重重困難去申請版權,最終如願重錄。」

【張敬軒演唱會】黎明元旦任嘉賓 Leon新年送金句:打工仔加人工

最新影片:蔣家旻訪問

Leon又爆金句:「做人畢竟要與時並進,當年情可以存在,但必須面對已經過時,所以重新唱過,但只錄一首,又好似好無謂,所以重新錄多首,越夜越有機,將編曲入邊嘅槍聲也拎走埋,等首歌可以帶點和平氣氛,講完啦,係咁先,下次再講啦。鍾意定唔鍾意,對得住自己咪鍾意,又冇對唔住人。」

而3首歌的重新唱《VOL. 1  EP》包括《夏日傾情》《愈夜愈有機》及《戀愛者聯盟》已經在串流平台上架。

撰文 : TOPick柴犬出動