【媽媽心痛】3歲仔細菌感染致上唇腫脹 Coffee半夜帶仔睇急症︰佢面目全非

兒童健康 16:07 2022/01/06

分享:

分享:

3歲翟伯伯因細菌感染致上唇腫脹,Coffee要半夜帶他睇急症。

看著孩子生病,媽媽們都寧願自己病。林芊妤(Coffee)今日上載數張兒子翟德彥(伯伯)的照片,並指出兒子近日因上唇受細菌感染,導致發炎腫脹似鴨仔,Coffee需半夜帶兒子去睇急症,更推掉所有工作留在家中陪伴兒子。

3歲的翟伯伯最近因屁股有濕疹,故Coffee近日忙於為兒子戒睡覺穿尿片,經歷了一個多月要半夜起床的日子。怎料一波未平一波又起,Coffee今日表示兒子的上唇腫得似鴨仔,終於要帶兒子第一次入醫院,她在IG寫下求醫紀錄︰

前兩日佢話上唇入面痛,我睇完又見唔到有啲乜嘢只係有少少紅,諗住佢係生飛滋熱氣,琴日個上唇有少少腫以為佢撞到,到瞓覺嘅時候腫到不得了,仲有少少發燒,即刻抱住佢去醫院,驚佢食物敏感怕佢會抖唔到氣,見完醫生話佢係病毒或者有細菌感染,應該本身嘴入面有傷口,
然後佢覺得痛係咁用隻手指整個嘴仔,咁一定係啦佢依幾日係咁用手指篤佢,所以就感染到。依家佢變咗一隻鴨仔……完全唔認得佢,中咗面目全非拳。

3歲翟伯伯上唇腫脹得像隻鴨仔。(IG圖片)

Coffee續稱,今次是BB第一次食藥,為了安撫兒子,她推掉所有會議和工作,留在家中陪伴兒子,還特准兒子「睇電視放題」,以分散兒子的注意力,「今次真係陰公鴨鴨,好彩電視能醫百病又能止痛……今日放題!」

    點擊圖片放大
    +5
    +4

她憶述半夜送兒子入醫院的途中好緊張,「好怕佢有咩事我唔知點算,即刻諗身體健康真係好緊要㗎!」回家後,Coffee還驚魂未定發惡夢,她分享了其曲折離奇的夢境。

夢到世界末日然後我哋必須揀上船,或者係留喺度等死,我哋揀咗好努力咁爬上船,然後一個好大好大嘅巨浪打過嚟,到醒返之後我有咗個新嘅老公,好似有一個新嘅生活咁,但唔知點解姐姐仲係我姐姐,然後BB唔見咗!過咗一段時間普通日子之後,有一日姐姐出咗去買餸,返嚟嘅時候佢突然之間喺門口同我講,你估下我係街市見到邊個!然後我衝出去門口外面,我見到BB著住啲爛衫企咗喺門口,成身污糟邋遢好似無沖過涼咁,跟住我衝過去攬住佢佢就係咁喊,其實真係好似拍咗套戲咁呀!

最新影片推介︰

惡夢嚇到Coffee睡醒仍哭喊中,感到精神壓力大,她不禁提醒女網民,生仔真的要考慮清楚,因為是一生的責任。

未考慮清楚真係唔好生,因為真係好大責任,仲成日搞到自己精神緊張,呢個夢簡直可以用來拍戲呀喂!

    點擊圖片放大
    +8
    +7

她又言兒子的牙齒都有少少變黑,問網民有沒有遇到過同類情況,需要多久才康復。有網民留言指,其女兒曾患相同的病,「幾日就好㗎啦」。Coffee都稍為放心,還可以開玩笑,形容兒子似鴨仔,「我哋由琴晚到今日都係keep住想笑佢,但係又覺得佢好可憐嘅狀態。」

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳