【綠葉王】李國麟北上慘成「劣質帶貨藝人」 解釋嘴對嘴錫女兒沒做錯:我樂在其中

娛樂 11:55 2022/01/09

分享:

分享:

近年不少藝人北上發展並加入「直播帶貨」行列,可是綠葉王李國麟早前卻直播8個小時,貨品都係無人問津被封為「最慘帶貨明星」。李國麟近日接受港台《舊日的足跡》主持車淑梅訪問,大談直播帶貨事件來龍去脈。

對於被網民封為「最慘帶貨明星」,他聞言後大方笑稱:「我可以澄清一吓,其實我總共做咗4場直播,第一場 7月尾喺杭州,營業額8萬多,流量59萬7千人次第二場營業額38萬多,流量120萬人次,每次唔夠兩個鐘。」

【識貨2】黃美棋憑可愛成賣點 劉頌鵬挑戰祥仔Gag王寶座

嘗試陌生環境工作

現在慘被內地社交平台評為「劣質帶貨藝人」,他直言牽涉團隊的售後服務未如理想,給粉絲的禮物遲遲未能送到即使成功賣貨38萬結果退貨31萬。他直言非常失望,揚言不會再合作。

後來李國麟又參加了兩場直播帶貨他表示:「嗰兩場同經理人公司做得好好多,做咗一次唔夠兩個鐘,一次4個鐘。可惜已被評為『劣質帶貨藝人』 ,營業額跌到7萬蚊,流量只得17萬幾。去年11月28日做最後一場,自己暫時停一停。」

    點擊圖片放大
    +6
    +5

他稱會繼續登台、拍劇,因自己喜歡演戲多於帶貨,做直播帶貨只是想試試在陌生環境工作的能力:「我贏咗㗎喇,頭兩場佢地都諗唔到有好成績!我贏咗㗎喇!好開心呀! 」

李國麟續道:「突然睇到自己變成 『最慘帶貨明星』,我就問搞乜鬼?喺咪得罪咗人?」後來直播帶貨事件在內地反彈 一些貨主以為這是他的宣傳套路反而有很多貨主要求合作。

最新影片推介:潘靜文+林智樂專訪

經一事長一智

幽默的李國麟稱,其經理人公司辦公室本已囤積了一些貨物像一個小型超市,現在貨物多到變成了一個大型超市。他指,事件令其經一事長一智,日後會小心選貨更自言不會做8小時,因為體力根本不能應付。

對於會否怕這次事件影響形象,他坦言:「我冇乜所謂。入行46年,問題係點解會有咁樣嘅報道?我唔知點樣形容呢次事件,我冇嬲,只係好多同事關心我叫我小心啲,唔好咁辛苦!我屋企人都覺得好笑,因為我每次都同佢哋分享我嘅帶貨成績。」

    點擊圖片放大
    +5
    +4

廿四孝爸爸

李國麟坦言,現在最想返香港屋企,因為已在內地逗留了10個月。他現時與TVB的合約是每年拍一套劇,想在自己仍然「行得走得」的時侯盡量去更大的市場發展,賺更多收入,令家人將來過得更舒服。

他表示:「好掛住屋企人,而家個女啱啱飛咗去英國讀Drama。仲記得2017年7月我哋同一大班人慶祝佢15歲生日,嗰張嘴對嘴嘅相俾啲網民話我咁樣錫唔啱。其實當時只係開心分享,佢哋心態咁負能量,接受唔到唔緊要,我已經樂在其中,女兒係世界上最寶貴嘅嘢!」

李國麟認為自己沒做錯,即使他日自己年屆90歲仍會繼續錫女兒。至於女兒日後會否成為星二代,他指一切由女兒決定,自己只希望她能開拓眼界以及學識做人。

他笑言自己非常寵愛女兒: 「阿爸教落,唔知個女第二日嫁得好唔好,老豆錫咗佢先,如果萬一嫁得唔好,起碼都歎過吓父愛。」

撰文 : TOPick柴犬出動