【鐵拳英雄】陳展鵬操肌演武林高手 陳山聰伍允龍夠合拍打出火花

娛樂 14:20 2022/01/10

分享:

分享:

《鐵拳英雄》

《城寨英雄》台前幕後班底製作的TVB新劇《鐵拳英雄》,於今晚(1月10日)接棒《愛上我的衰神》播出,成為TVB在2022年首播的新劇。

由視帝陳展鵬、視后唐詩詠、陳山聰、姚子羚、伍允龍、元秋、王君馨、劉穎鏇、歐瑞偉及張國強等主演《鐵拳英雄》,透過一眾主角如何在逆境中自強及尋求正義的故事,帶出中國功夫的哲學智慧。

最新影片推介:潘靜文+林智樂專訪

陳展鵬吃盡苦頭

為讓觀眾看到實實在在的拳腳功夫,劇組與演員們付出不少血汗,所有動作場面均花了大量時間拍攝,務求達至最佳效果,連拍打戲有一定經驗的兩位男主角陳展鵬及陳山聰,早前接受無綫娛樂新聞台訪問時,亦坦言無論準備或是拍攝過程均很辛苦。

陳展鵬謂:「有一場打戲要戴晒手鐐同腳鐐咁打,好有難度,要諗點設計啲動作同埋點樣做出最好嘅效果,嗰log戲歷時4個月分咗7日嚟拍。」

他並表示為保持完美身段更是吃盡苦頭:「佢哋教我要『甩水』,即係頭3、4日每日飲7L水,一日去20次廁所左右。去到正式拍嗰時一啲水都唔可以飲。」展鵬又大讚女主角唐詩詠在劇中大有進步,擺脫了固有形象:「我同佢有好多火花。」

    點擊圖片放大
    +4
    +3

陳山聰伍允龍夠合拍

至於出名捱得的陳山聰,則坦言是次是其入行以來最辛苦一次:「今次我個角色集合咗好多門功夫,最緊要係冇用替身,好似啲穿門、爆窗戲,都係我自己親身上陣。」

山聰與展鵬一樣,透露今次為劇集Keep fit是很大考驗:「雖然平時都有操開,但今次要更加努力,我用咗4個月時間去操,真係瘦咗同乾咗好多,又要操又要打係好辛苦嘅。」

首度與伍允龍合作的山聰透露,與對方打得合拍兼節奏好夾:「佢話同我打好舒服,對我嚟講係好大嘅強心針!」與姚子羚演慣情侶的山聰,直指今次與對方有唔少激烈場面,並笑謂:「kiss戲我哋都駕輕就熟。」

    點擊圖片放大
    +3
    +2

元秋展「喊戲」

出名好武功的伍允龍則指,今次角色「夜來吉」很有新鮮感:「以前演嘅都係比較嚴肅、火爆嘅角色,今次個角色就可愛啲。」

他表示感謝監製讓他選擇自己喜歡的功夫「上陣」:「我選擇咗打洪拳,我對南方嘅功夫比較熟悉,可以容易啲去演戲,因為唔使花太多時間諗招式,可以着重番點樣去演好個角色。」

同樣功夫了得的元秋透露今次轉戰「喊戲」,同時大讚囝囝展鵬劇內劇外一樣乖仔:「佢好錫我,大家有問題都會互相提問,個溝通做得好好。(覺得佢身手點?)比《城寨英雄》時進步咗好多。」

撰文 : TOPick柴犬出動