陳穎欣誤打誤撞當模特兒  Yanny做父母御用髮型師維繫感情

娛樂 15:36 2022/01/10

分享:

分享:

陳穎欣拍家用染髮產品廣告。

陳穎欣(Yanny)早前接拍家用染髮產品廣告,即場施髮術將頭髮變色,拍攝多個不同的造型。

提到要即場轉髮色,Yanny笑言拍攝過程「非常忙碌」,不過卻十分享受這趟變髮之旅︰「今次為家用染髮產品拍攝,拍攝過程好忙碌,因為當日有好多造型去營造唔同髮色,帶出唔同感覺,不過每個造型都係同服裝設計揀咗好耐,大家都好滿意,拍攝時亦好享受。」

【聲夢傳奇】張寶兒點評女團After Class成員打扮 炎明熹玩vintage未來感Chantel突顯甜美

最新影片推介:潘靜文+林智樂專訪

染髮經驗豐富

提到染髮,Yanny自言經驗相當豐富,又謂這是其中一種與母親互動的方法︰「以前自己成日都會買家用染髮產品,細個喺屋企自己染髮,又會同媽咪一齊染髮,大家互相幫大家染,呢個情境好有回憶,而且好溫馨。」

Yanny笑言因此練得一技之長,又曾試過向髮型師「𢱑撈」︰「我成日同髮型師講笑,我可以做part time,因為我都識幫人染髮,好細心咁幫人揉每條頭髮。」

    點擊圖片放大
    +5
    +4

父親「御用髮型師」

除跟母親染髮,Yanny又會為父親剪頭髮去維繫與家人的感情,直言是父親的「御用髮型師」,還表示︰「之前拍戲時,等埋位嘅空檔,我都貪玩,拎髮型師啲工具﹐去幫服裝set咗個頭,佢都幾鍾意,仲講笑叫我開髮型舖。」

此外,今次拍攝染髮產品廣告的過程﹐Yanny勾起讀書時做part time model的回憶︰「未入行仲讀書時,有幫時裝品牌做fitting model,當時好搞笑,本來打算去做part time見sales,但佢哋話fitting model冇做,不如幫下手。入行後再有緣份嘅係,去日本做嘢再撞到該品牌嘅日本上司同經理,覺得係巧妙嘅緣份。」

撰文 : TOPick柴犬出動