【MIRROR成員】Van餵老婆飲湯超恩愛 AK做「電燈膽」扁咀勁萄萄

娛樂 17:44 2022/01/11

分享:

分享:

AK任Van的YouTube頻道「陳氏Yum」嘉賓。

樂隊Nowhere Boys隊長陳維諾(Van)在其YouTube頻道「陳氏Yum」內,與太太Wendy教煮美食,最近就邀請同樣喜愛下廚的MIRROR副隊長江𤒹生(AK)齊炮製多款菜式,期間Van餵老婆飲湯放閃,AK在旁葡萄扁晒咀,Wendy安慰他說:「你第時大個仔都得㗎!」

Van和AK各自在YouTube開設頻道分享烹飪心得,更經常邀請對方到自己的頻道搞搞新煮意,最近他們合力炮製「意大利紅蝦油法國藍龍蝦包」、「法國周打蠔湯」和「摩洛哥香草焗羊架配薯蓉」,用多款貴價靚食材,笑言大時大節落重本自肥。

【MIRROR成員】Anson Kong四出拜師學做甜品 盧覓雪與AK齊做運動:夢寐以求

Nowhere Boys隊長陳維諾(中)與太太(右)。

分享帶領兄弟心得

他們分別擔任各自團隊的正副隊長,一邊煮一邊分享帶領成班兄弟的心得,Van坦言:「我啲隊友都係藝術家、音樂人,甚至未出去打過其他工,對於管理自己能力麻麻,所以我會管好多嘢,仲做埋經理人,最初覺得乜都我做好辛苦,但學識唔計較之後,反而輕鬆咗。」

Van問AK:「想像唔到你哋12個人點樣管理?」AK說:「其實我哋唔係用『管理』嚟形容,12個人各有性格,盡力希望大家工作時開心啲、專注啲。Lokman(隊長楊樂文)引領大家提升效率。我著重心靈,例如覺得邊個好似有啲心事就約出嚟食吓飯,做聆聽者分擔吓!」

拍攝後,問他們何時開始成為好朋友?Van說:「第一次見面係一個音樂會,佢哋剛成團,好多Fans,好勁!」至於AK表示:「第二次係動漫節,Nowhere Boys喺我哋之前表演,我有睇呀!」

志趣相投成朋友

二人後來因共同朋友----填詞人兼DJ Oscar而常見面,Van笑說:「Oscar好鍾意叫埋成班朋友一齊食飯傾偈,最巧合係佢好多朋友都來自唔同組合,除咗我哋,仲有C AllStar、HotCha、Super Girls等。」

Van續指:「認識咗AK之後,覺得呢個後生仔好勤力好乖,雖然我唔係好老,但年紀大過佢,我同Wendy當佢係細佬,大時大節會叫埋佢一齊食飯一齊煮嘢食,最深刻我哋一齊煮大蝦帶子青口意粉畀成班朋友食,好開心!」

除下廚,他們還喜愛同一套動漫,Van說:「第一次交換電話號碼後,發現AK嘅頭像就係我最鍾意嗰套動漫嘅主角,係一套講夾Band嘅動漫,原來大家都夢想過自己係故事中嘅主角,亦都鍾意呢套動漫內同一首歌《Moon On The Water》。」

最新影片推介:潘靜文+林智樂專訪

撰文 : TOPick柴犬出動