【孝順仔】姜濤中三輟學遺憾沒珍惜學生時光 謹記媽媽教誨:做人唔好忘本

育兒經 12:04 2022/01/18

分享:

分享:

姜濤謹記媽媽教誨,做人唔好忘本,要記得自己邊度開始。

22歲的姜濤昨日接受Do姐鄭裕玲的商台節目《口水多過浪花》訪問,剖白了由童年至今的內心世界,其中他最遺憾中三輟學未完成中學生涯,沒有珍惜學生時光。自從離開中學後,他經歷更多了,時刻謹記著媽媽的教誨︰「做人唔好忘本,要記得自己邊度開始。」

姜濤年少曾是一名重達200磅的肥仔,性格內向,經常被取笑而反擊別人,「我又好衰衰地,內心深處唔肯承認自己咁肥,當呢種矛盾狀態一齊時,就會做到乞人憎,可能大家話我肥,我會話:『肥乜吖!』我都會攻擊返人哋,人哋可能一句玩笑說話,我好認真,可能導致外界人越嚟越唔鍾意我,我都唔想鍾意佢哋,呢種幼稚心態,導致自己嗰時冇乜認識到朋友。」

最新影片推介︰

曾留班讀至中三被踢出校

他曾就讀鄧肇堅維多利亞官立中學,讀到中三輟學,他解釋是被踢出校。

人哋踢嘅,因為我係留班,呢樣冇乜好隱瞞,留班之後又冇乜癮,唔想喺呢間學校,因為冇乜朋友,嗰時社工介紹不如去讀其他嘢,所以就離開咗,而離開後幾後悔,後悔冇珍惜學生時光,我成日話唔怪得人,之前話俾人欺凌,其實諗返自己性格都好有問題,如果唔係都唔會受到咁樣對待。

姜濤接受Do姐訪問。(IG圖片)

姜媽教珍惜︰唔好覺得自己巴閉

之後姜濤在餐飲行業做過兼職,賺到錢學跳舞,經歷更多後人變得成熟,但內心不希望就此過一世,故此他經常上網閱讀勵志說話,尋找心靈雞湯,不久後便參加《全民造星》,成就了今天的他。姜媽不時提醒兒子,做人不要忘本。

呢啲就係命運,阿媽成日同我講,做人唔好忘本,要記得自己邊度開始,你只不過係一個普通人,你行到呢一步唔好覺得自己好巴閉,阿媽比我更識珍惜,佢好少炫耀個仔,喺親戚面前都係講話係運氣,佢(姜母)係我心靈雞湯,佢知我唔係讀書嘅料。

    點擊圖片放大
    +7
    +6

姜濤坦承自己很少跟媽媽聊天,他承諾會反省:「我唔係肉麻嘅人,好少講『媽,我愛你!』我只會同佢講『唔使擔心錢,我會搞掂』,總之節日訂酒店畀佢哋玩。」

他又言自己好少攬媽媽,「呢方面我未夠熟。」Do姐建議姜濤收工回家後,不妨攬一下媽媽。姜濤笑笑口答應,並表示︰「好,打卡俾你哋睇。」

    點擊圖片放大
    +8
    +7

有自知之明︰我不是天才

姜濤在新歌《鏡中鏡》MV中傷痕累累,反映了自己入行後的內心世界,並勇於面對外界批評聲音。他認為MV中在細節上可以做得更好,並坦言有自知之明,自己不是天才,不是從小學音樂,或多或少是靠運氣成名。

我對自知之明好高,有幾多係靠運氣,如果話靠自己行到呢步太自大,有上天同身邊人幫忙,入行發覺我所有成就,每行一步都係上天幫助俾條路我。我信命運,最近研究佛學,當然冇研究好深,學識慢慢要放低,呢行好多不確定因素,大家覺得好風光,名利誘惑,如果要行得好要識得放低好多嘢,專心去做想做嘅嘢。

入行僅3年多的姜濤認為,自己作為藝人仍處於起步階段,並以前輩梅艷芳為榜樣,除了做好作品,還要以身作則的處事精神。「作為一個藝人價值,唔係喺呢一行留低乜嘢,而係要離開呢行後留低乜嘢。」Do姐聞言讚揚姜濤的想法成熟。

姜濤在新歌《鏡中鏡》剖白自己入行後的心路歷程。(MV截圖)

寄語年輕人︰誠實面對自己想法

Do姐再問姜濤,如果有神仙丸可以回到過去,他會如何處理。他希望自己可以成熟些,在中學時間便努力減肥,而非離開中學後才減肥,「希望學生時代都靚仔,內心深處唔甘於做肥仔。」

不少人覺得姜濤的成長故事勵志,啟發了不少年輕人,他寄語年輕人要面對自己的心聲,鞭策自己進步及解決困難。

我又唔夠膽咁講我嘅成長好勵志,總之問吓自己想成為乜嘢人,最可以推動自己只有自己,多啲同自己溝通,誠實面對自己諗法,係咪甘於成為咁樣嘅人,要多啲同自己溝通,所以最終解決都係自己。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載:https://bit.ly/34FTtW9

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳