葉巧琳落唱片店開音樂會 Mischa為小店逆市打氣

娛樂 17:00 2022/01/23

分享:

分享:

葉巧琳推新歌為大家打氣。

唱作女歌手葉巧琳(Mischa)昨晚在沙田CD Warehouse舉行《NEVER TOO LATE, MY PATH Mi WAY》迎難而上Album Live宣傳專輯,期間她唱了新作、亦是她出道以第一首叱咤樂壇流行榜冠軍歌《難道我還未夠難》。

Mischa透露,原定計劃好租貨櫃車,上面貼滿自己樣子,四出駛到旺區做宣傳,可惜受疫情影響,為了遵守防疫措施,只好立即變陣,到CD店進行Live 演唱。

而揀選CD店其實是另有含意,Mischa說:「想做宣傳難,但各行各業都好難行,尤其是小店,同受疫情影響的行業,所以想在live打打氣。大家知道造音樂非常之難,賣音樂都好難,賣實體唱片仲難,不過唔緊要,大家都一齊撐佢哋。」Mischa除了唱歌之外,更即場回答粉絲的提問,保持與粉絲的互動。

到唱片店宣傳。

Mischa唱出收錄於新碟內的《水舞間》、《怪物》、《浸浴》後,再演唱了迪士尼動畫《魔海奇緣》(Moana)劇中曲《How Far I'll Go》後,全晚的戲肉演唱冠軍作《難道我還未夠難》。

Mischa對於獲得冠軍歌感到很開心,除了感激DJ選播,亦感激Wyman的詞,但她更為很多人聽到這首有鼓勵性的歌而開心。

舉行小型音樂會。

她說:「因為大家都好難行。而我作為一個歌手,行這條路咁耐,其實都會有攰,都會唔開心、會氣餒,所以唱呢首歌時,感觸好大。最打動是chorus『難度我還未夠難 每天生還已是極難』,這是最現實,但我成日攞首歌鼓勵自己,懷有一絲希望。雖然我哋點都會攰,但係我哋一齊攰,都唔好失去期盼。呢個期盼對我好有鼓舞性,好鼓勵到自己,繼續去造自己嘅音樂。」

Mischa 除了自身的經歷,也體會到身邊的朋友也正經歷困境,「我有朋友開美容院,有朋友做美甲,又有朋友係做健身教練,其實佢哋都相當艱難,因為呢段時間,尤其係我美容院嘅朋友,佢係無得開工,佢最近買咗部新機去做,機又要供,但係又無得開舖、無客嚟,每個月仲要去供一部機,其實真係相當困難。」

最新影片推介:肥仔+193專訪

撰文 : TOPick柴犬出動