【葉落冰川】泳兒相隔9年再出碟 親訪旺角唱片店簽名支持業界

娛樂 12:03 2022/01/25

分享:

分享:

泳兒親自到唱片店簽名。

泳兒(Vincy)昨日(24日)推出大碟《Dark Light Of The Soul》(《花開溝渠、葉落冰川》),大碟推出首日,Vincy親身走進旺角鬧市的多間實體唱片店答謝歌迷及唱片店的支持。

由於疫情關係,未能舉行實體簽名會,於是Vincy便進行這個「快閃簽名會」,一口氣走勻旺角六間唱片店,實行以「遊擊戰術」為歌迷製造驚喜。

她說:「好有busking感覺,希望疫情快過去,不久將來真係有一個正式簽名會,當然亦希望有演唱會。簽咗嘅朋友都唔緊要,你可以買多隻,到時我再簽俾你哋。」相隔九年再推出大碟,再加上疫情關係,Vincy坦言已很久沒有到過信和,「今日好開心,出碟嘅日子,見證住親手賣出自己嘅唱片,覺得呢種感覺好好 。」

有fans買了一箱。

簽碟期間,Vincy遇上不少買碟的樂迷,差不多每個樂迷都買二至三張唱片,其中一位女士更豪氣地買了一箱,令Vincy十分難忘,「頭先有一位女士買咗一箱碟,好開心呀!簽名時一下簽晒個感覺好治癒,亦都好多謝她。她說幫一啲舊fans買,我都好希望見吓啲舊fans,好掛住你哋,希望遲啲有啲聚會,可以見面。」

此外更有兩位小歌迷由爸爸帶着到唱片店買碟,「今日都見到兩位小朋友fans,佢哋除買碟,仲送自己畫嘅畫俾我,入面全部都係我呢三年暗黑風造型,真係好窩心。」

跟fans合照。

最後Vincy多謝歌迷之餘,亦不遺餘力地sell碟,「隻碟係好值得收藏,因為隻碟比較難開呀,有時會開爛,我自己都開爛過兩隻,所以大家可以買一隻聽、一隻收藏,絕對係好扺嘅,哈哈。」

最新影片:193+肥仔訪問


  
 

撰文 : TOPick柴犬出動