【農曆新年】吳嘉禧整蘿白糕維繫母女情 Cheronna專注工作不心急拍拖

娛樂 16:53 2022/01/30

分享:

分享:

吳嘉禧到街市掃貨。

每逢過農曆新年,吳嘉禧(Cheronna) 都會跟母親一起「自家制」蘿白糕送給親朋好友,除向身邊人於新一年送上心意外,Cheronna藉此維繫兩母女的感情,她表示︰「人大咗,要工作同媽咪相處時間自然少咗,呢個係一個很好的親子活動,大家都會抽空一齊整,已經整咗超過10年。」

早前,Cheronna趁拍攝空檔,即到工作地點附近的街市買材料整糕,見她不停於菜檔穿梭,又落手揀蘿白,其後又走雜貨店選購爉肉,相當熟手。

專心事業發展

不過她左揀右揀,最後空手而回,只買了幾個蘿白。對此,Cheronna解釋稱︰「我多去街市買菜類,因為好平而且量多。媽咪會比較熟手,如果買蘿蔔糕嘅材料,我真係只係一個幫手,負責攞材料,因為佢一個人一定攞唔晒。」

由於疫情關係,Cheronna表示今個新年不會周圍去,與家人待在家中︰「其實都習慣咗,以前當然會去拜年,不過呢兩年疫情影響,所以都減少出去,加上自己都比較宅,可能新年打機度過啦。」

提到虎年的願望,單身的Cheronna未有諗「脫單」,想繼續專注工作︰「新一年音樂上仲有進步空間,覺得自己仍需努力,虎年希望音樂上會多啲產量,希望寫歌上會有進步,多啲自己創作嘅作品。」

最新影片推介:林明禎專訪

撰文 : TOPick柴犬出動