【IT狗】蒙玲阿信對白道盡理想被現實磨蝕之唏噓 凌文龍:係唔係要我相信嘅香港人就係咁?

娛樂 12:43 2022/02/04

分享:

分享:

ViuTV劇集《IT狗》昨晚(2月4日)劇情講蒙玲(陳漢娜飾)鼓勵失去信心的阿信(凌文龍飾),二人的對話內容相當感人。

網民在昨晚《IT狗》播出後,即於社交平台上稱讚陳漢娜及凌文龍演技到位,當中阿信所說的「一直以嚟,我以為我可以為呢個世界,我可以為呢個香港我帶嚟少少嘅改變」、「我都希望有朝一日用自己嘅專業為呢個世界帶嚟少少改變,但我出到嚟社會先發現我嘅夢想係好天真」,更令不少網民留下深刻印象!

最新影片推介:林明禎專訪

阿信爆Seed

昨晚《IT狗》講到阿信要求就電子人情支付手機應用程式PayPayDuck侵權官司自辯。

坐在電腦前的阿信問蒙玲:「你係唔係要我相信香港人就係咁?你係唔係要我相信誠信同質素係唔重要,最重要都係資金同Gimmick啊?」、「如果你要我相信呢啲野,一開始就唔會搞PayPayDuck!」

阿信續說:「一直以來,我以為我可以.......為呢個世界,我可以為呢個香港帶來小小嘅改變,但係到頭來,原來所有嘢都係我自己搵嘢嚟搞嘅.....」。

接著,蒙玲回應指並不是,阿信再激動地說:「呢個城市根本唔需要我做啲乜呀!」

    點擊圖片放大
    +4
    +3

蒙玲:至少你改變咗我

蒙玲聽完阿信的一番話後,重提以往在大學時與阿信有相同想法:「至少你改變咗我,其實我喺大學時已經識你,我仲好記得第一次見到你就係喺呢個電腦室,雖然我地讀唔同系,但你喺大學時已經係好多人識嘅怪人,好多人成日喺背後笑你,雖然你好怪,但我覺得你係個好特別嘅人。嗰陣時嘅我同你一樣,會相信自己可以改變呢一個世界。」

蒙玲指二人當時未有交集,她說:「你總係會永遠喺我面前出現,你講嘅野、做嘅野永遠都會畀到勇氣我,令我繼續做自己想做嘅事,繼續做自己相信嘅事。」

    點擊圖片放大
    +7
    +6

蒙玲:點解可以有個人咁戇居

蒙玲續說:「我都好希望自己有朝一日,可以用自己嘅專業,為呢個世界帶嚟少少嘅改變,但到我出咗嚟社會之後,我先發現我嘅夢想好天真,我做緊嘢根本改變唔到呢個世界,或者我太渺小,我開始唔知道自己為咗啲乜嘢而工作落去。」

不過直至她於Born Hub重遇阿信、一起製作PayPayDuck,就覺得很像看著大學時期的阿信。她在想:「點解可以有個人咁戇居,一直咁堅持自己嘅夢想,無論發生咩事都好,你永遠都係最積極面對嗰個」。

    點擊圖片放大
    +5
    +4

阿信抱頭痛哭

蒙玲邊說邊落淚指若不是有阿信,她不會再相信世界可以被改變。阿信:「但係依家到我唔信喇」,再抱頭痛哭。

此時,蒙玲強調是因為阿信才令Born Hub眾人有勇氣,她說:「如果你今次無咗份信念,就等我地去改變返你。」

    點擊圖片放大
    +3
    +2

網民讚二人演技到位

網民為二人的演出送上正評:「依場戲好感動,凌文龍嗰種無力感,真係一路睇一路跟佢一齊喊………」、「凌文龍幾場內心戲演得非常到肉,今晚好感受到佢既無力」、「蒙玲説話好有感染力」、「文龍同Hannah都好好戲!睇到眼濕濕」、「身邊有個蒙玲,真係幾生修到」。

凌文龍(小龍)也有於IG限時動態轉發網民對他的評價,有網民提到最為到肉的對白是「係唔係要我相信香港人就係咁?」

    點擊圖片放大
    +7
    +6

凌文龍畢業於演藝學院

《IT狗》是凌文龍第二部參演的ViuTV劇集,過往曾在《歎息橋》中飾演鍾懷安的年青版。

小龍於2008年畢業於香港演藝學院戲劇學院,由2009年至2018年間為香港話劇團全職演員,又參演過電影演出。而小龍也有開辦演員演戲工作坊,曾有一連十堂的《聆聽與想像》課程。

他在《IT狗》的演出盡現其功力,演出甚受觀眾喜愛,似乎未來也大有機會再看到他參與ViuTV劇集呢!

撰文 : TOPick柴犬出動