【淘寶中伏】淘寶旅行裝麻雀變蠱惑麻雀 港媽: 打好耐先發現有5隻西

休閒消費 18:04 2022/02/08

分享:

分享:

靚媽的家人從淘寶購入旅行裝麻雀,打牌發現這副麻雀竟有「5隻西」。

和親友打麻雀「大戰四方城」,絕對是農曆新年聯誼指定活動。靚媽Ada近日在網上發文分享淘寶中伏事件,指早前家人購入旅行裝麻雀並在團年飯後打牌,發現這副麻雀竟有「5隻西」。經仔細點算後,得知原來缺少一隻「南」。相片上傳後,即吸引大班網民留言。

最新影片推介:

Ada受訪時分享,弟弟為方便招呼親友在家耍樂,於半年前從淘寶購買麻雀,當時售價運費大約為120港元。其後才發現是旅行裝麻雀,於是一直存放在家中。適逢新年,Ada一家打算在團年飯後「開枱打牌」,才發現這件笑料。

我細佬半年前淘返黎,諗住住有人黎就玩,買到先留意到係旅行裝,咁就放低無玩,我哋做節食完飯拿出黎玩,見麻雀隻數無錯,就睇都唔睇就開波。

Ada笑言,全家人並非「牌精」,只懂基本麻雀打法加上不計錢,因此初時並未發現問題。

冇人摃,hea 打又唔打錢,根本冇留意。係打到唔知幾圏,發現佢有五隻西,就停底數牌!

點擊大圖了解更多:

    點擊圖片放大
    +5
    +4

在經過Ada點算後,發現全副牌數目正常,估計是印刷問題,因為「南」風牌缺少一隻,而「西」風牌就多出一隻。最後,他們決定用箱頭筆將「第5隻西」改為「南」,繼續「開枱」。

網民: 出千恩物

帖文一出,即引來大班網友熱議,笑指「槓完又槓,同奶奶報仇mode」,更有網友相認「琴日我地打哥副有5隻北,少左隻西」、「我個副有5隻8萬,仲要槓完收錢後發現有第5隻」。TOPick到淘寶網了解,旅行裝麻雀售價為¥72-¥183.75不等(約HK$88-$225),附送不同配件如便攜收納桌、麻雀袋,設有2個尺寸及五色可選。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。 立即下載:https://bit.ly/34FTtW9

TOPick登陸MeWe啦:https://mewe.com/p/topick

訂閱Telegram最新🍴✈️🎁優惠及送禮情報:https://bit.ly/3bebLM2

責任編緝:張懿慧