陳柏宇開直播回答粉絲提問 演唱會曾不被看好Jason高EQ回應

娛樂 17:00 2022/02/13

分享:

分享:

陳柏宇開live回答粉絲提問。

陳柏宇(Jason)去年12月舉行第二個紅館演唱會《Jason Chan Fight For _ _ _ Live in Hong Kong Coliseum》,唱片公司Sony Music快馬加鞭製作演唱會Blu-ray藍光碟,雖然碟未出,但昨晚ViuTV安排首播兩小時版,而Jason更在騷前和騷後先後開Live,直接與粉絲交流。

Jason在騷前先在自己的社交平台開Live,並回答網民較早前的提問,有人問:「想知點解賣碟但都喺電視度免費播,怕唔怕有啲人喺電視睇完唔買?」

Jason笑言:「如果佢本身睇完唔買,我係冇蝕㗎!而想買嗰啲已經買咗,但係佢(未買碟的觀眾)睇完有機會會買㗎嘛!同埋買碟係有收藏價值。」

去年開2場演唱會。

另有網民問Jason,去年落力宣傳演唱會卻不被睇好,會否感不開心?Jason再度展現他的高EQ:「不被睇好係做個演唱會之前吖嘛,咁人哋唔睇好就唔睇好㗎啦!最緊要係做完個演唱會之後覺得自己做成點,同埋外面嘅迴響係點,幾好吖!」他更坦然面對「不被睇好」,他說:「不被睇好係冇問題,係市場對你嘅產品嘅期望同埋個價值。」

至於有人問他「會否對兩場演唱會唔爆而失望?」Jason再笑言:「唔會,因為又唔係去到冇人睇,如果去到三、四成(賣出)就會有少少失望⋯⋯」他認為今次的成績很合理。而Jason更應網民要求,即興清唱多首作品,為大家來個騷前熱身。

跟製作人一同對話。

Jason在Live中指,原本想開騷,可惜受疫情影響,延期至去年12月,卻是一個極佳時機,「我喺19年學唱歌,聽返今次成個演唱會,同上次喺紅館開時,真係爭好遠!要表揚自己進步嘅地方,但同一時間要批評自己可以進步嘅地方,所以比以前做得好好多,但條路仲有好遠。」有網民留言盛讚「Jason聲線穩定咗!好少可星期六晚坐定定連續2小時睇電視。」

而看着Jason一路走來的Edward接着指,見證Jason經歷過困惑,但要讚賞的並非其表現,反而是他清楚自己的方向,就算遇到困惑,也沒有刻意理會。

最新影片推介:林淑敏+許家傑專訪

撰文 : TOPick柴犬出動