【天價Hermès】周嘉儀拍片訪問Hermès 巴黎總店超級VIP 大曬過千萬手袋  

親子 17:09 2022/02/17

分享:

分享:

周嘉儀訪問Hermès巴黎總店VIP Judy,大曬價值不菲「喜馬拉雅」系列手袋。而最搶手貨的限量版Snow Bag,消費一千萬都未必買到。

前無綫新聞主播周嘉儀(Venus)自離開TVB後轉戰金融界,現為華盛證券市場部總監。對名牌手袋和飾物情有獨鍾的她,除不時在個人社交平台分享戰利品外,日前更訪問Hermès巴黎總店的超級VIP Judy,節目上大曬6個價值連城「喜馬拉雅」系列手袋。

過程中,Judy教授分辨愛馬仕手袋真偽的技巧及分享購物心得,更透露就算大額消費都未必能擁有限量款手袋,「如果你第一次去鋪頭,買咗一千萬嘢都唔會拎到呢個袋。」

最新影片推介:

周嘉儀日前訪問Hermès巴黎總店的超級VIP Judy 大談購物心得。(圖片來源:<<華盛炒玩家>>節目截圖)

Judy :做VIP無捷徑,不斷買配貨

貴為Hermès巴黎總店超級VIP的 Judy本身是名袋玩家,收藏Hermès手袋多年。她坦言過往亦有買其他品牌的手袋,而踏上愛馬仕「入坑」之路,全因發現Hermès手袋保值能力較高,但當初入手純粹迷上其手袋設計,並未以投資角度出發。

Judy又指成為Hermès VIP並沒有捷徑,只有不停消費,但配貨當中也有秘訣。而她除入手手袋外,對其品牌的家品都非常感興趣。

要成為超級VIP唔係簡單買絲巾、鞋、衫就得,一定要買好大額嘅貨物!我會買家品,例如鱷魚馬鞍都要2.5萬歐羅(約22萬港幣),或者買鱷魚皮褸,一件都11萬歐羅(約98萬港幣)。如果你買咗一件鱷魚皮褸,種種的配貨消費下,SA就會留一個好特別嘅袋比你。

點擊大圖了解更多:

    點擊圖片放大
    +9
    +8

曾以400萬買入心頭好

訪談節目中,Judy介紹最高級及最稀有的「喜馬拉雅」系列6款手袋,當中以Kelly及Birkin最具保值能力。

Kelly 25吋手袋

Judy於去年於拍賣會連手續費以375萬港幣投得,原價約3.2萬-3.3萬歐羅(約28萬-29萬港幣),可見一年內升值已超過10倍。

Birkin 25吋鑽石扣手袋

Judy指售貨員得知她想入手「喜馬拉雅」系列鑽石扣款式手袋,而鑽石扣Birkin 25吋手袋市價約400萬港幣。訪問中的Birkin 25鑽石扣手袋是三年前聖誕節,她從巴黎總店以約40萬歐羅(約356萬港幣)購入,坦言對價錢感「肉赤」。

佢真係好靚,但問題係拿出去用時真心有少少誇張,唔捨得用,當收藏睇住都開心。

限量版Snow Bag成最搶手貨

Snow Bag設計相當精緻。(圖片來源:<<華盛炒玩家>>節目截圖)

雖然「喜馬拉雅」系列價值不菲且有市有價,深受收藏家追捧,但Judy指現時市場最搶手款式是限量版20吋Snow Bag(小房子)。袋上圖案為巴黎總店外櫥窗,櫥窗圖案以立體設計呈現,相當精緻。由於該顏色是今年新出,現時已炒至300萬人民幣(約367萬港幣),原價是230萬人民幣(約281萬港幣)。

之前出過深籃同啡色名為Faubourg Bag,一個叫『白天』,一個叫『黑夜』。今年先出Snow Bag,係最靚同最貴。但對我嚟講更加想要『白天』或『黑夜』,因為手柄唔易污濁,呢個白色我唔敢用。

不過,限量版Snow Bag並非有錢就能擁有,售貨員會根據總消費額,長期消費的忠實客人才有機會購買。

如果你第一次去鋪頭,買咗一千萬嘢都唔會拎到呢個袋。要睇總消費,直到你夠資格,再買多300幾萬貨,先會賣呢個袋畀你。

分辨真偽小技巧

Jusy指可靠味道分辨手貸真偽。 (圖片來源:<<華盛炒玩家>>節目截圖)

1) 靠味道分辨真假

由於Judy曾聽過有朋友不幸購入假貨,所以她從中得知仿品的「喜馬拉雅」系列是沒有味道,而正品有強烈且獨特味道,「每個都有獨有嘅皮味」。

2) 包裝及設計有助分辨真偽

包裝上,仿品的摺口位是圓的,又會用膠套包裝手袋底部的金屬釘。而真品,手袋開口摺位是很貼、呈四方形的,手袋底部金屬釘會由膠膜包裝作保護。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。 立即下載:https://bit.ly/34FTtW9

TOPick登陸MeWe啦:https://mewe.com/p/topick

訂閱Telegram最新🍴✈️🎁優惠及送禮情報:https://bit.ly/3bebLM2

責任編緝:王明芳