【一針難求】陳豪24小時戴口罩保障子女健康 為3仔女預約打針要排2個月

親子 12:21 2022/02/21

分享:

分享:

由藝人森美、朱凱婷主持無綫特備節目《爭分奪秒同抗疫》昨晚(20日)播出的一集,請來圈中好爸爸陳豪做嘉賓,森美在節目中表示大家最關心小朋友的健康,育有2子1女的陳豪被問到會不會為3個仔女打疫苗,陳豪坦言知道兒童可以打疫苗後,已經第一時間為仔女預約:

我同我老婆(陳茵媺)都打晒啦,工人姐姐都打晒,淨係差啲小朋友囉,其實我太太已經第一時間網上面book,但係太多Booking,變咗我哋排隊都排咗成兩個月之後先至可以打到。

最新影片推介:

早前陳豪出席活動時,表示自己經常在外面工作,為了保護家人,在家中就連睡覺都會戴口罩,主持森美就再問陳豪,他坦言真的戴上口罩睡覺:

我戴醫學用口罩,因為我唔係咩專家,只能夠做自己可以做嘅最小部份。

而在場醫生表示:

不過大部份嘅市民,未必可以接受到24小時戴口罩,如果感到不適就要停喇,長者或者本身有心肺疾病嘅人,戴口罩嗰個承擔能力較低。另外,注意手部及環境衛生都好重要。

感染會影響性能力?

港大微生物學系講座教授袁國勇教授昨日發表了研究指,新冠肺炎的男性患者有機會令到男人的生育能力下降,在場的森美即刻幫陳豪向醫生發問,笑言陳豪雖然已經生了3個,但都好想知道答案,令到在場的陳豪忍俊不禁。醫生說:「袁國勇教授發表咗倉鼠中咗病毒之後,會影響倉鼠男性荷爾蒙同埋減少精子數量,其實外國都有相關嘅研究,發覺好多男患者都有呢個現象,不過其實好多嘢都會導致嘅,好多以往我哋唔識嘅病毒感染都會影響到精子同男性荷爾蒙,新冠肺炎並唔係特別針對呢個器官,最好避免感染嘅方法,就係打疫苗喇!」

    點擊圖片放大
    +5
    +4

責任編輯:陳麗薇