【絲打圍爐】花姐自言有夢想未完成 稱願意隨時放手讓MIRROR走得更遠

娛樂 12:18 2022/03/06

分享:

分享:

由蝦頭(楊詩敏)及娟姐(練美娟)主持的YouTube節目《絲打圍爐》,邀請MIRROR與ERROR的經理人花姐(黃慧君)任嘉賓。

在上周的節目內,花姐講當日如何從挑選《全民造星》人選組男團,以及三女各自分別在MIRROR與ERROR當中挑選誰當男友、丈夫和情夫。

在本周的最新一集,花姐剖白當經理人的感受。當中,蝦頭問花姐成為兩大人氣男團經理人有否曾經覺得自滿,或心態上有否變化時,花姐卻感觸地稱:「講呢啲會喊,但我唔會喊。」

【絲打圍爐】花姐揀MIRROR+ERROR成員憑一要點 與蝦頭娟姐分享16子中老公+情夫人選

最新影片推介:Jeremy專訪

花姐:當經理人後好卑微

一向率直的花姐坦白稱:「有個好親嘅長輩好惡同我講:『出面啲人話你做咗經理人之後態度變晒,囂張、不可一世』,佢再講邊啲人話我,原來係啲曾經好Friend嘅人,我就好唔開心,我覺得我做咗經理人之後好卑微。」

她解釋以前當監製時可控制導演、可做自己喜歡的節目,但形容現在的工作像保姆,比如要負責「車出車入」MIRROR:「同返長輩講,我為咗我份工感到自卑,但你哋竟然話我沾沾。」

花姐稱,覺得自己待人態度一直沒變:「覺得自己冇變過,之不過而家職業、工作性質令我對人態度唔同咗,譬如唔可以粗聲粗氣對人,好多嘢就算係朋友我都唔講得,跟住你就覺得,我而家唔同你講嘢唔約你食飯,你囂喇!」

她反而一直覺得自己不適合當經理人:「如果老闆同我講,『我搵到一個好經理人,佢好啱湊MIRROR、 ERROR,不如你放棄啦!』我諗我一口答應,因為我覺得,佢哋應該有一個更加好嘅人幫佢哋。可能會唔捨得,但唔會話唔畀啦。」

點擊圖片放大
+7
+6

花姐夢想未實現

現時49歲、做製作出身的花姐感慨稱也有自己的夢想:「好想同老公去旅行,好想擁有全自己監製、寫稿、拍攝嘅作品,我年紀唔細,再唔快啲做就冇機會,但我用咗呢段時間湊MIRROR、ERROR。所以大家話我好囂張、好得戚,你就更加唔開心,明明唔係想要呢啲。」

花姐稱,與MIRROR、 ERROR十分直接:「黑面就黑面,好坦白。譬如佢嬲,我咪嬲番佢囉,有乜嘢唔鍾意咪講出聲囉!但都會有氹嘅,但好少機會。」

點擊圖片放大
+6
+5

Lokman教主識氹人

MIRROR有一個「傳統」,當激嬲花姐時,就會一起唱生日歌氹她。蝦頭及娟姐問花姐問,在16子當中,誰人最會氹花姐,她回答是隊長楊樂文(Lokman)及「教主」盧瀚霆(Anson Lo),反而「老闆」江𤒹生(AnsonKong)常要她去氹。

花姐直言萬人迷姜濤也有很好不同的缺點:「譬如佢有太多諗法,佢嘅諗法只係佢鍾意,其他人未必鍾意,我都會好坦白同佢講,我今日畀你做你鍾意嘅嘢,但你下一隻歌唔好啦。我都會好坦白同佢講。」

她更指,姜濤因為工作壓力大,也會有點鬧情緒:「我都會好坦白同佢講,你咁樣做唔啱,我唔會因為你係姜濤,大家好鍾意你,我就唔講,我唔會。」

撰文 : TOPick柴犬出動