【飛虎3壯志英雄】郭晉安久違吊威吔掙扎近一小時 自爆着紙底褲吊威吔瘀事

娛樂 14:00 2022/03/08

分享:

分享:

郭晉安久違吊威吔掙扎近一粒鐘,自爆着紙底褲吊威吔瘀事。

由邵氏兄弟、優酷聯合出品的《飛虎3壯志英雄》,昨晚(3月7日)播出第11集,劇情講到恐怖組織瓦干布綁架了杜文彬(郭晉安飾)妹妹杜以盈(姚子羚飾),瓦干布領袖Leo(Jai Day飾)要求杜文彬交出化武DH2,杜文彬救妹心切,企圖甩開S Team跟蹤獨自深入險境與Leo交易。

杜文彬交出DH2欲救回人質之際,Leo收到神秘訊息指杜文彬拿着的是假貨,Leo遂要脅杜文彬說出真正的DH2下落兼打杜文彬毒針。此時秘密跟蹤杜文彬的S Team趕到並與瓦干布展開激烈槍戰,最終救出杜文彬兩兄妹。Leo及Renee(何慈茵飾)趁亂逃走,許俊飛(苗僑偉飾)及時現身。

【家族榮耀】甄芯黑化耀祖慘死掀高潮 TVB整體收視上升惟《飛虎3》下跌

視帝郭晉安雖已年屆57歲,但昨晚從行人天橋跳到行駛中的貨車上一幕,令網友大為驚艷:「咁高跳落嚟,睇見都牙煙!」、「大佬!係咪親身上陣架?」。

【飛虎3壯志英雄】黃宗澤僅穿內褲演出 與陳瀅演床戲呻犧牲色相

另S Team與瓦干布於廢棄車場發生的激烈槍戰,畫面亦相當震撼,不少觀眾看後大呼過癮:「槍戰睇到透不到氣,電視劇好少咁激烈。」、「好落本,幾場槍戰都有高潮」、「今輯商場大戰同廢車場大戰都好精彩 真係激烈駁火。」

【飛虎3壯志英雄】年輕版飛虎五兄弟平均27歲 黃庭鋒郭子豪周嘉洛吳偉豪丁子朗上位

郭晉安早前接受無綫娛樂新聞台節目《Star Talk》專訪時,透露接拍劇集前有問過劇組需否操肌,但劇組指由於其角色是生意人、故要求他谷肚腩。而順應指示增磅的安仔,吊威吔當日更是叫苦連天:「嘩!我驚到吖!我真係好多年冇吊過威吔,以前真係夠膽死喺城樓吊落嚟,NG再嚟過都冇問題。」

【飛虎3壯志英雄】黃宗澤陳瀅演床戲 吳卓羲+蔡思貝+姚子羚玩三角戀

他透露當日拍攝足足試跳試了一個小時:「我嘥咗大家起碼一個鐘,先至完成到嗰個shot。」問到之後會否再挑戰吊威吔?安仔猶疑一會後笑言:「唔知呀,睇吓點吊啦,吊威吔有好多種嘅,打橫飛又冇乜嘢,一Jump咁跳落嚟嗰隻就會驚啲。」

身為三屆「視帝」的安仔,還自爆吊威吔辛酸史:「以前拍劇真係好辛苦、好少休息時間,好多時沖完涼之後冇底褲着,我就會去便利店買紙底褲,一日一條好方便。咁嗰日我就着住條紙底褲吊威吔啦,吊完之後助手幫我拆威吔時發現成條紙底褲已經溶咗,得番嗰三條橡膠。」

最新影片推介:Jeremy專訪

安仔之後更自嘲謂:「我之後有問過人,原來冇人試過好似我咁着紙底褲著到粉碎,依家直頭冇人會着紙底褲吊威吔!」

    點擊圖片放大
    +18
    +17

撰文 : TOPick柴犬出動