【口罩小姐】亞軍「阿姨」素人媽媽入行圓夢 徐蒨寧選美心得「露三點」?【多圖】

娛樂 18:44 2022/03/11

分享:

分享:

ViuTV在今日(3月11日)宣布舉辦選美真人騷《尾二一屆口罩小姐選舉》,由ERROR四子梁業(肥仔)、何啟華(Dee)、郭嘉駿(193)及吳保錡擔任主持。

去年同樣由ERROR擔任主持的《最後一屆口罩小姐選舉》,分別由「浩南」鄭伊琪、「阿姨」徐蒨寧及「細細粒」馮寶欣奪得冠、亞及季軍。

當中亞軍「阿姨」徐蒨寧接受TOPick訪問,講到知道舉辦《尾二一屆口罩小姐選舉》,直言令她回憶返晒嚟。

【尾二一屆口罩小姐選舉】ViuTV再辦口罩小姐競選 ERROR冧莊做主持【附參賽詳情】

    點擊圖片放大
    +17
    +16

肩負亞軍使命

問參加這個真人騷比賽有何得與失?徐蒨寧稱沒有失:「我係一個素人媽媽毅然投身娛樂界,我諗失就應該無乜。」

然後阿姨又續指:「得著就甚多,得到拍節目嘅經驗,知道台前幕後嘅辛苦。因為參加《最後一屆口罩小姐選舉》我係肥仔組,賽前賽後仲同其他組嘅隊員繼續Keep Contact,呢份友誼難能可貴。」對於亞軍名銜更珍而重之,揚言一心要肩負使命。 」

最新影片推介:Anson Lo專訪

傳授選美心得

談到入圍及晉級的條件,阿姨幽默寄語師妹謹記「露三點」,所指的是展露三大要點,她說:「第一點,真實自我,喺大眾面前展露到自己最真實嘅一面;第二點,綜藝感,可以向ERROR或花姐偷師;第三點,才藝表演都不可或缺㗎!」更大賣口乖要向MIRROR、ERROR等偷師。

時隔1年仍記憶猶新,她回想決賽夜表演Catwalk、跳舞及泳裝環節,坦言很難忘:「台上一分鐘,台下十年功。由選去到決賽完全唔夠10年畀我去練習,所以我喺後台未表演時,催眠自己一定要有信心。」

    點擊圖片放大
    +12
    +11

入行圓夢

選美過後,阿姨簽約成為ViuTV旗下,有份主持綜藝節目《囝囝女女730》及《商睇》:「正式地喺電視螢光幕前同大家見面,好多謝ViuTV將我視為佢哋一員,達到夢想之一!聽到好多朋友都話《商睇》節目構思好有趣,希望繼續會有第二季啦!」除了演藝工作,她兼任化妝師一職,為七師傅御用化妝師。

另外,她最近獲邀擔任口罩品牌代言人,阿姨謂:「開頭講緊會肩負『口罩小姐』使命,就係一邊做代言人,一邊做善事,派口罩送檢測棒畀社會基層及有需要人士。七師傅教落,最緊要行善積德。」

記者:梁樂欣、馮雪怡