【最強AA制】孤寒女友奉行AA制計到盡 男友過夜用口罩消毒酒精被索$10

親子 13:48 2022/03/18

分享:

分享:

有港男在女友家過夜,用口罩、消毒酒精,被女友索取$10。

情侶和夫妻想維持長久的關係,雙方價值觀必須一致,若然遇上另一半孤寒庹縮,只能自求多福。近日有港男在網上討論區指出,女友奉行AA制,他在對方家過夜,用口罩、消毒酒精,因而被女友索取$10,令他大感無奈。

用口罩飲杯水都計錢

該名港男於網上討論區「Dcard」,以「女朋友咁樣會唔會over咗啲」為題發帖文。他表示一直知道女友很在意金錢,二人出街食飯一定AA制,「唔存在佢出一餐我出一餐咁,所有嘢會除返一半」。他原覺得沒問題,直至近日他首次到女友家過夜,其後女友向他索取$10,他解釋︰

佢話10蚊係因為我攞咗佢一個口罩嚟用,用咗佢啲酒精消毒、飲咗水……

雖然只是$10,但港男覺得「好似有啲over咗」。他回覆網民留言時補充,因女友上進又靚女而喜歡她,初識女友時已知道她為人「好均真」,可是沒想到是這個程度。有網民笑指「佢冇叫你俾返租都已經好大方」,港男回應因層樓是女友家人購置的,她不用交租,「如果唔係應該都要俾返佢」。

最新影片推介︰

網民︰結咗婚你有排捱

港男的帖文引來網民熱議,大部分網民認為樓主的女友不止「over」,已是有問題,覺得她計得太盡了。有網民表示「女友讀會計?」、「一個口罩要成10蚊,佢好似賺咗」、「你令我諗起,有對AA制夫婦連雞蛋都mark名」、「你女友飛得,佢唔適合拍拖」。

不少網民都為樓主慶幸,他和女友未到談婚論嫁階段,提醒他要好好考慮是否與女友繼續下去甚至結婚。有網民留言,「咁識計數,結咗婚你有排捱」、「好彩你未同佢結婚」、「結埋婚之後唔單止同老公計,如果計劃有埋小朋友,統統同佢逐樣計」。點擊睇更多網民留言︰

    點擊圖片放大
    +10
    +9

《香港經濟日報》TOPick新聞「第三屆全港小學生中文作文大賽」 立即參加︰https://bit.ly/3CrwGul

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳