【鵲巢鳩佔】大肚家姐新屋裝修好仍住娘家 老公爸爸確診只嫌父播毒急送隔離營

親子 18:21 2022/03/18

分享:

分享:

有名孕婦帶老公回娘家住,老公及爸爸確診,只嫌父播毒急送入隔離營。

本港疫情嚴峻,確診數字每日以萬計,同住家人互相傳染的風險高,有網民大呻家姐懷孕期間跟姐夫搬來住,近日姐夫快測呈陽性,爸爸同樣確診,家姐卻只嫌父播毒,想急送爸爸往隔離營,卻任由染疫姐夫留家中。她鄙視家姐的做法,大呻「到底當屋企人係咩」。

懷孕家姐帶同老公回娘家

該名網民周二(15日)在「香港討論區」發帖,標題為「到底當屋企人係咩?」,她的家姐現時陀B,由於早前家中裝修,家姐帶同老公齊齊回娘家暫住,可是現時新家已裝修好卻懶死不走,藉口是大肚搬來搬去感到很麻煩。

父母任由大女兒留在家,身為妹妹的網民就百般遷就大肚家姐,疫情下,她跟家姐在家工作,基本上日日對足24小時,已經不太頂得順家姐的公主脾氣,只是忍氣吞聲,擔心懷孕家姐動胎氣,「驚佢有咩事又話係我搞到佢」。

最新影片:

姐夫防疫意識低

父母為大肚女兒著想,疫情下,媽媽每兩日去買一次餸之外,其他時間都會留在家,而爸爸要外出工作,每日都會做快速,驚自己確診會傳染予家人,可是不能WFH的姐夫防疫意識卻很低,

爸爸返到屋企食飯,都會自己坐開食,其他時候都戴住口罩;相反姐夫打乞嚏又唔掩住口鼻,又唔肯用公筷。

妹妹指出爸爸早2日做快速沒事,但開始感到鼻子有些不舒服,就已經沒有回家睡,在開工車上睡,而姐夫昨日喉嚨痛,做快測呈陽性。妹妹很氣憤家姐抱怨爸爸,

點知個垃圾家姐就話肯定係爸爸傳染畀佢老公,搞到佢老公中招,又話叫爸爸要上報,希望入住隔離設施。

嫌父播毒急送隔離營

家姐一心只想爸爸盡快入住隔離設施,任由確診老公就留在家。事實上,爸爸自覺病了入住隔離設施休養較好,不用家人照顧,亦減少家人染疫的風險。家姐對染疫老公及爸爸的做法大不同,

佢想直接打去消防個度,想消防盡快安排人接走爸爸入隔離設施,家姐驚死爸爸留喺屋企樓下停車場都會傳染佢咁,但係自己老公日日瞓喺佢隔籬,唔打算送埋個老公入去。

更離譜的是,大肚家姐想妹妹及媽咪幫她照顧老公,「又係用佢大住個肚做藉口」,妹妹忍無可忍,想趕走家姐姐夫兩公婆。其實妹妹之前已發帖已大呻家姐難頂,詳情 :【鵲巢鳩佔 家姐回娘家密謀媽咪幫手湊BB

網民:父母縱壞她

網民斥責家姐持著懷孕就以為人人要遷就她,說她只是圖貪家人幫忙,視為工人,甚至想霸著娘家,分分鐘新屋用來放租。可是,父母有份一手縱壞她,很難改變,「你父母要縱佢咁有乜辦法呀」,另有網民建議不如「叫老豆搬去你家姐間屋隔離」。更多留言見下圖:

    點擊圖片放大
    +8
    +7

《香港經濟日報》TOPick新聞「第三屆全港小學生中文作文大賽」 立即參加︰https://bit.ly/3CrwGul

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳