陳柏宇網上騷為速遞員打氣 Jason隔空為囡囡唱兒歌

娛樂 18:00 2022/03/20

分享:

分享:

陳柏宇為速遞員打氣。

陳柏宇(Jason)日前開展的《有我 IG Mini》系列﹐昨晚舉行第二場演出,繼上次點名感謝各崗位的醫護人員後,昨晚輪到送貨速遞員,Jason更精選一些與速遞「有關」的歌曲獻唱,更公開為速遞員謀福利,希望在疫情下仍盡責送貨的速遞員,可以獲老闆加人工。

Jason坦言:「喺我哋家居隔離或者抗疫期間,速遞員帶俾我哋無限歡樂,我哋嘅見面時間只有5秒到啦,但係佢哋帶俾我哋嘅歡樂就係我哋買嘅戰利品!」對他來說,無論是速遞員、送貨員、送餐員,要完成工作之餘,也同樣冒險,所以他覺得大家下次再見到這些工作的從業員時,可以表達謝意。

他又分享自己與相熟速遞員之間的小趣事:「我同一個成日送件俾我嘅速遞員都幾熟,記得佢第一次上嚟我一開門佢嚇咗一跳,我覺得好得意好可愛!」

唱出多首點題歌曲。

Jason特地挑選不同「貼題」歌曲,包括很多歌迷愛聽的《車匙》、《Jeep》、《後排慶功宴》,鄭融的《紅綠燈》、陳奕迅《單車》等。

Jason即興清唱鄭伊健的《極速傳說》,中間一段英文Rap更在不用提詞下完成,Jason笑言送貨車的司機們揸車要快,不忘叫大家注意交通安全,趕時間也千萬別衝燈。

開Live期間,Jason抽選部分網民留言讀,見到出大家以不同方式去為速遞員及送貨員打氣,亦有人分享從事送遞工作朋友的經驗,令Jason加深了解,更想向這班疫下仍緊守崗位的從業員致謝意。

昨晚亦有開放點唱環節,第一位「幸運兒」就是Jason的囡囡Abi,他為女兒唱出英文歌《Lava Song》,太太Leanne亦有睇直播,相信留在家中的Abi也有一起捧場聽Daddy唱歌呢!

囡囡隔空點唱。

此外,很多歌迷點唱了Jason的《七折》及《路人乙》,Jason有滿足大家要求唱出,他認為:「首歌係講小人物嘅故事,好多時我哋會忽略咗啲唔起眼嘅人或工種,其實佢都係成就緊全個社會嘅一份子。」

Jason也唱了不少其他歌手的歌曲,其中包括MC張天賦的《記憶棉》,Jason透露原來數月前曾在社交平台的inbox與MC約打羽毛球,最後他公開「覆約」,場面搞笑。

在Live的後半到了Jason的「唱K時間」,他先後應網民唱出《結》、《祝君好》、《無賴》、《美麗之最》、《傷信》、《落花流水》等,唱到險些不願完場,他大讚好玩,更約定歌迷下星期三晚繼續捧場。

最新影片推介:劉俊謙蔡思韵專訪

撰文 : TOPick柴犬出動