【有種老闆娘】江芷妮轉行棄影從商 因員工一句話激發鬥心建美容王國

娛樂 13:42 2022/03/21

分享:

分享:

江芷成功建立自己的美容事業。

由可宜主持香港開電視新節目《有種老闆娘》,將邀請多位職場女強人暢談她們在事業上的成就,以及探討如何兼顧工作及家庭,而首周節目分別邀請了江芷妮、黃宇詩及陸詩韻擔任嘉賓。

其中,現年44歲、息影多時的江芷妮(Cherie)不僅是兩孩之母,還是兩間美容公司的老闆娘。

節目中,Cherie透露要做女老闆並非易事,除了要調適到心態放下藝人光環,落手落腳做,連洗廁所都親力親為外,更要時刻兼顧家庭,照顧子女學業成長。

最新影片推介:劉俊謙蔡思韵專訪

發展美容事業

在2007年淡出娛樂圈,專注美容事業發展的Cherie,透露當年決心轉型,皆因不習慣娛樂圈的生活模式,她說:「其實當初入行,唔係話好想做明星,做藝人有好忙嘅日子,但亦有好得閒嘅時候,可能連續一星期都冇嘢做,唔慣呢種生活,所以就想做多樣嘢,開始學做美容。」

開拓美容事業後,因為「下屬」的一句話,激發了她全身投入美容事業,她表示:「有次有個同事想問我啲嘢,不過佢問完後,就話:『我諗你都係唔識』跟住轉身走咗,令到我想喺呢行學多啲嘢,慢慢就全身投入,冇做藝人。」

    點擊圖片放大
    +4
    +3

調適心態

Cherie落手落腳發展美容事業,同客人溝通,遞毛布,甚至乎洗廁所都一手包辦,她謂:「做藝人畀人服侍開,但轉型做服務性行業,就要招呼番人,如果呢方面嘅心態調適唔到,就好難去做。」

她同時感恩稱:「當時安德尊對我好好,佢曾經同我講『芷妮,做生意掛個名就得,唔使落手落腳』但我覺得唔全心全意做、唔認識業務,好難做好,我想更深入了解呢個行業,唔係淨係掛名。」

結果,Cherie更成為「香港美髮美容商會」副會長及會董組成員之一,而且為更好地管理公司報讀MBA課程,十分好學。

    點擊圖片放大
    +4
    +3

感謝丈夫支持

在節目中,Cherie被問到是否美容事業上軌道才考慮結婚生子?她表示:「其實冇計劃,當時入行拍劇,搵唔到合適對象,覺得自己可能遇唔到、唔會結婚生仔,直至認識咗我先生就想生小朋友。」

去年,在疫情下,Cherie除了誕下第二胎外,還搬新舖,她笑言未懷第二胎時已決定搬新舖,她謂:「好感謝先生幫手,新舖嘅設計、裝修、買一枱一櫈都係佢幫忙,我亦好感謝媽咪,70幾歲都幫我手湊小朋友。」

此外,Cherie在節目中展示廚藝,雖然貴為美容王國老闆娘,但她喜歡到街巿買餸及入廚,為家人烹調美食,盡顯貼地的一面。

撰文 : TOPick柴犬出動