【聲夢JUNIOR】台風穩定Charlott評判不信只12歲 Jasmine表現失準爆喊獲戰友安慰

娛樂 15:08 2022/03/21

分享:

分享:

台風穩定Charlott評判不信只12得歲,Jasmine表現失準失望爆喊獲戰友安慰。

由Eric Kwok(郭偉亮)擔任節目總監督,雲集星級顧問團隊、導師及嘉賓的無綫音樂競技真人騷《聲夢JUNIOR》,昨晚(3月20日)播出第3集,當中有18位參賽者備戰決賽實況及首輪決賽戰況。

負責決賽的4位評判分別為著名音樂總監杜自持、著名歌唱老師 Christine Samson、星夢娛樂集團有限公司音樂監製劉易昇先生、《聲夢JUNIOR》訓導主任及形象指導Hana(菊梓喬),是集嘉賓則有Mike(曾比特)及Oscar(涂毓麟),被Eric委派「魔鬼任務」的Oscar,更被網民力讚有氣質兼有潛質。

未開播已被視為大熱的Aster(劉芷君),決賽選唱Hana原唱歌曲《我輸不起》,獲網民指與Hana姐姐撞樣!參賽經驗無數的 Aster,決賽前夕還是相當緊張,受訪時更坦言失眠:「之前嗰晚好緊張瞓唔到,係咁望住天花板」。

Aster有星味

最終Aster還是以不錯狀態唱出《我輸不起》,壓台感十足,就連原唱Hana亦大感滿意:「把聲好厚好聽好吸引」。至於出名嚴格的杜自持老師,則認為Aster尚有進步空間:「前面唔好咁出力,後面冇得再大聲」。

網民則對Aster表現普遍讚好:「Aster聲音響、有感情、有技巧」、「有星味」、 「真係唔錯,唱跳都平均」。不過經過昨晚一役,Aster大熱門地位終備受威脅。

最新影片推介:劉俊謙、蔡思韵專訪

決賽前一直未見突出、參賽時只有12歲的參賽者Charlotte(繆昀希),跳唱《跳舞街》表現亮麗,不但舉手投足均充滿力量及信心,更相當夠氣。Charlotte一唱畢,台下戰友即大表震撼,Ricky(童文)及Luffy(張靖風)爭著向鏡頭俾Like並搞笑謂:「佢冇斷氣架」、「佢開外掛呀」。

至於評判更是讚口不絕,相繼表示不相信她只有12歲,其中Christine感嘆謂:「嘩!我估唔到你12歲呀!你好似好有經驗,同埋你望鏡頭、笑全部好真!」杜自持更是給出高度評價:「無懈可擊差唔多係,跳快歌又要音準,係好難,嗰度我已經畀好多分你」。 至於Hana則流露欣賞眼神問Charlotte:「你點做到架?」

Jasmine失望爆喊

網民亦對Charlotte表現為之驚艷:「呢個《跳舞街》唱得好好喎」、「佢好得意,幾真」、「我都覺得基本上冇嘢可以挑剔」、「平時睇唔覺得佢好突出,啱啱一上台就好耀眼」、「佢同評判講12歲嗰陣,大家都嚇咗一跳」、「真係唔錯喎,12歲咋」、「Charlotte好過 Aster」、「真係勁,跳住唱都唱得好,咬字又正,我覺得好過Aster」 。

昨晚最後一位出場參賽者Jasmine(冼奕瑜),則挑戰獻唱Gigi(炎明熹)原唱歌曲《真話的清高》,可惜因太過緊張表現失準,杜自持事後指她仍需努力:「你係咪好鍾意唱歌?你真係要苦練多啲先得」。事後Jasmine失望爆喊,獲Aster、Charlotte、Vici(莊殷玥)等圍著安慰,畫面十分有愛。

對於餘下還有七名JUNIOR會在最終回上台表演,除了其餘3名必然入圍的Dance Group成員Haily(梁栩寧)、Crystal(梁善知)及Tate(伍梓瑜)外,網民認為Band Group的Ricky及Vocal Group的Caitlin(楊秉頤)是其中兩位甚有機會殺入10強的參賽者。

前者被指可愛有潛質,後者則被指唱歌好聽兼有感情,到底二人最終會否如網民所料順利殺入10強,敬請密切留意本周日晚8點半播出的《聲夢JUNIOR》最終回。

    點擊圖片放大
    +21
    +20

撰文 : TOPick柴犬出動