【反起跑線聯盟】「賈名媛」邱芷微不怕方丈小器 男友陳志忠樂觀抗癌:好講心態 

娛樂 17:49 2022/03/23

分享:

分享:

邱芷微與男友陳志忠為Viu新劇出力。

參加TVB選秀節目《功夫新星》入行的陳志忠(Wilson),在前年不幸患上胃癌,幸現已抗癌成功,回復健康。

可是即使在化療期間,他也面對不同的副作用,惟陳志忠沒有選擇休息,反而堅持接拍ViuTV自家製劇集《反起跑線聯盟》,當中他更不惜花2個月時間增磅操大隻演體育老師,專業精神可嘉。

至於女友「賈名媛」邱芷微(Chelffy)則參與幕後工作,帶領其演藝學校學生參演,並自言不怕被TVB「詐型」!

【同甘共苦】陳志忠與女友計劃結婚生小孩 「賈名媛」邱芷微考慮接受生物製劑治療

(《經濟日報》圖片庫)

積極樂觀抗病

Wilson接受TOPick專訪指,在《反起跑線聯盟》飾演一名有驚恐症的體育老師,角色需要操大隻,可是在拍攝期間,他還在化療中期,過程絕不簡單。

不過向來工作認真的Wilson,並沒有視為難關,反而用積極樂觀心態面對:「其實抗癌都好講心態,最緊要個人要有正能量,我記得化療初期有好多副作用,包括長期腸胃炎、成個人好攰同埋啲皮膚會變深色。不過到中期身體就慢慢適應咗啲化療藥,只係有少許腸胃炎,但個人都舒服咗好多,拍攝時都好順利。」

他又指最終用了2個月時間操弗:「嗰段時期因為身體慢慢好啲,我之後不斷做運動,增番重啲磅數都完全冇問題。而大家拍嘅時候都完全睇唔出我嗰時仲做緊化療。」

(《經濟日報》圖片庫)

難忘拍攝場口

今次劇中Wilson不乏與小朋友合作對手戲,對於經營兒童演藝學校的他而言,可說是駕輕就熟。

談到劇中難忘場口,Wilson說:「因為劇中講我有密室恐懼症,非常怕黑,有一場話學校停電,我係需要驚到暈咗,而啲小朋友真係好可愛,以為我真係暈咗,即場喊咗出嚟。到導演叫Cut時,佢哋即刻攬住我,令我覺得好窩心。」

其實這次拍攝,Wilson亦非孤身作戰,皆因他與女友邱芷微一直經營的兒童演藝學校,當中有4位的學生都有份參與《反起跑線聯盟》的演出。

【同甘共苦】陳志忠與女友計劃結婚生小孩 「賈名媛」邱芷微考慮接受生物製劑治療

最新影片推介:劉俊謙蔡思韵專訪

與學生齊準備功課

至於Chelffy,向TOPick透露指,與Wilson在拍攝前期一同為小演員做好準備功夫,比如為他們的角色進行分析及資料搜集:「因為啲小朋友仲細唔識自己睇劇本,同埋佢哋嘅家長亦冇接觸過呢類型重戲份嘅角色劇本,所以我都特別花心機去研究,又教家長點樣喺屋企同小朋友練習,真係仲緊張過自己拍戲。」

Chelffy又表示,小朋友的角色情緒起伏較多,特別是有不少喊戲場口:「訓練小朋友喊都係一件好有挑戰性嘅任務,因為現今嘅小朋友快樂指數好高,所以平時都好少喊同發脾氣,好多家長都好抗拒同擔心點樣令小朋友突然喊。」

不過她指小朋友全都很聰明,知道只是拍戲而已,故她與Wilson在訓練時花了不少時間在觀察及幻想練習:「因為肌肉係有記憶,所以經過嚴格訓練後,當佢哋去到拍攝現場就可以自己喊。拍完喊戲之後,只要佢哋食番粒糖又會開心番,可以繼續下一場拍攝。」

【相濡以沫】「賈名媛」邱芷微與男友同患惡疾互相扶持 陳志忠感激女友:幸好有她【有片】

Cheffly為小朋友做好準備。

不怕TVB「詐型」

雖然Chelffy今次只當幕後工作,可是身為TVB《愛·回家之開心速遞》「賈名媛」卻帶領小朋友參與ViuTV劇,會否擔心被公司「詐型」?

Chelffy則說:「開得學校就梗係希望搵到更多演出機會畀學生演出,所以無論咩平台搵我哋嘅學生都好歡迎。至於自己嘅幕前工作,有經理人為我安排,自己本身亦冇任何電視台合約,所以任何平台搵我工作都好歡迎。」

左起Wilson、袁富華、Cheffly

此劇別具意義

除Wilson和自己的學生參演此劇演出,令Chelffy感到高興外,原來此劇還有一個原因令她覺得別具意義。

她開心地稱:「今次《反》中飾演校長嘅袁富華係我同Wilson嘅戲劇老師,所以今次嘅演出真係三代同堂,學生首次拍劇就已經同我嘅老師有對手戲,所以我更加要教好啲,唔好令老師失望,希望佢都滿意佢哋嘅表現。」

    點擊圖片放大
    +24
    +23

疫情影響學校收入

另外,談到近日疫情嚴峻,對於其演藝學校有否影響?Chelffy表示雖然學校並非表列處所仍可營運,但由於今次第5波疫情傳染率相當高,所以有很多家長及學生都因總總因素而需要隔離:「呢段時候都冇乜人過嚟上堂,好多家長為免小朋友出街受感染都話過咗疫情先至繼續上堂。」

Chelffy又指他們沒有資格申請政府抗疫基金,所以現時經濟狀況都較吃力,望疫情盡快過去:「雖然業主肯減租,但喺營運上仍然好吃力,希望疫情快啲過,大家可以過番啲正常生活。」 

記者:陳曉柔