【大方認愛】洪卓立與千金小姐Hillary親證戀情 強調財政獨立關係非建立金錢上

娛樂 15:31 2022/03/30

分享:

分享:

洪卓立親證與Hillary拍拖了。

歌手洪卓立(Ken)在今年1月時被網民發現曾於Instagram限時動態中上載一張《膠戰》主持劉沛蘅(Hillary)攬着小狗的相片,疑放閃暗示拍拖,不過二人一直未有承認此緋聞。

日前有傳媒拍得Ken與Hillary已經發展成同居關係,據知身為千金小姐的Hillary棄住何文田的千萬豪宅,連日來被拍得出入男方在大圍的寓所,更不介意由千金小姐「降呢」外賣妹,為男方買外賣,可見愛得情深。

【緋聞男女】洪卓立與《膠戰》Hillary秘密撻著? Ken上載劉沛蘅攬狗相片放閃

最新影片推介:吳海昕專訪

Ken親證戀情

有見及此,Ken認為二人戀情已經「紙包唔住火」,今日(3月30日)在社交平台親證戀情,大晒愛犬,並大讚Hillary是其見過最善良和有愛心的女子,二人每天都過得很開心。

他又指會落力賺錢,令Hillary得到幸福:「其實呢個單位買咗好幾年,我哋亦都係財政獨立,我好開心看到她的發展,而我自己一直都有工作在身,識我嘅朋友都知我從來都靠自己。當然我會努力,令她成為『貪慕虛榮』的人。」

Ken亦多謝大家關心,希望大家能給予空間:「希望傳媒朋友高抬貴手俾返少少私隱我哋,大家互相尊重,亦對身邊受影響的街坊街里說聲不好意思。多謝關心。」

洪卓立與HIllary拍MV結緣。

Hillary認拍拖開心 否認是富家女

至於Hillary回覆Topick時亦難掩喜悅,感謝關心:「我哋每一日都好開心!我覺得任何關係都唔應該建基於金錢上,最重要係用心去交流、溝通,而搵到一個能夠互相支持大家嘅人係好難得。」

對於一直被外界指是千金小姐的Hillary便說:「我真係唔係一個富家女,一直都要努力工作,希望大家畀番少少空間我哋。」

    點擊圖片放大
    +11
    +10

Hillary與Ken的戀情有跡可尋

其實Hillary與Ken早有接觸,女方自入行以來曾先後兩次為Ken任MV女主角,分別是2019年的《數寄屋橋次郎》與2020年的《喜劇收場》。

及後他又在32歲正日生日當日上載獨照與一張Hillary從後擁著他的花絮相,兼寫道:「最不一樣的」,當時有網民留言「祝福」、「咁快咁公開攬埋一齊」。

撰文 : TOPick柴犬出動