【MIRROR成員】姜濤自言要在最美好時光退出 想享平靜生活:30歲轉做幕後

娛樂 16:52 2022/03/31

分享:

分享:

姜濤想過平靜生活。

MIRROR人氣王姜濤轉眼入行近4年,他日前接受電台訪問透露自己現時較入行前成熟,思想不再較早期那麼天真。

姜濤說:「可能呢幾年好快地發生咗好多嘢,成個人反而係deep咗好多。啱啱入行嘅時候天真好多,天真呢方面依家少咗好多,我諗呢方面改變最大。」

【MIRROR成員】姜濤透露新歌再與湯令山合作 阿Jer柳應廷IG預告新作進度

最新影片推介:吳海昕專訪

計畫退休

其實姜濤多次受訪時都不禁提到想盡快退休,原來這個想法並不是開玩笑,而是他自覺這行並不適合自己,並想在其最美的時光退出:「我未必會喺呢一行stay得好耐,呢個係我一直以嚟都有同大家講嘅一件事。唔知呢,可能除咗上舞台之外,呢一行嘅其他嘢唔係好適合我。」

他續指想過回平靜的生活:「啱啱入行嗰陣冇諗咁多,但已經有一個直覺,可能唔係太適合,身邊嘅人都會話,你愈入得耐你愈放唔低,但我反而愈入得耐愈想放低。我想將我最想留低表演嘅嘢、喺自己最好嘅時光留低,之後就過番一啲安靜嘅生活。」

姜濤轉眼入行近4年。

【減肥大作戰】姜濤曬童年肥仔照自嘲「who are you」 曾重210磅4個階段減肥變萬人迷

轉型幕後發展 不介意當醜角

而且原來姜濤有意計畫在30歲後轉型當幕後,更直言羨慕周潤發的生活:「我覺得佢好好,住喺山上面,得閒落嚟拍吓戲,我諗嗰個係我理想嘅生活狀態,可能我過咗30歲之後應該會轉行做演員,或者幕後都唔定。」

不過要成為演員絕不容易,外表俊朗的姜濤自言絕不介意當醜角、肥仔,更笑言自己必定很容易變回肥仔:「我就可以,但我公司接唔接受到,因為要好長一段時間先可以減番,但如果做醜角,我覺得冇乜所謂,以前包袱比較重啲,但依家對演戲嘅了解多咗少少,演戲係另一個專業,你喺嗰個專業入面,你要做到嗰個角色。」

    點擊圖片放大
    +7
    +6

進軍大銀幕

至於早前姜濤首次接拍電影《阿媽有咗第二個》,在電影處男作飾演外賣員,面對眾多前輩毛舜筠、導演彭秀慧等,當然有所壓力。

但他坦言與他們聊天過後,壓力大減:「可能我份人冇咁易打開心扉,前期比較封閉自己,後期合作就愈來愈好。」

撰文 : TOPick柴犬出動