【無理顧客】買燒肉拜祭後要斬件被鬧阻做生意 大埔街坊記仇一年後發帖公審燒味店

親子 13:53 2022/04/06

分享:

分享:

大埔街坊買燒肉拜祭後要斬件被鬧阻做生意,一年後發帖公審燒味店。

清明節拜祖祭品常見燒味斬料,昨日很多燒味舖都排長龍。大埔有名街坊發帖想公審一間燒味舖,指責對方一年前幫他將拜祭後的燒味斬件時,發牢騷斥阻做生意,事主心有不甘記下小器簿,隨即引來一眾大埔街坊鬧爆他是無理顧客,並加入討論為店舖大平反。

小器顧客公審大埔墟燒味舖

昨日(5日)清明節,有名網民在facebook群組「大埔 TAI PO」發帖,從帖文附有一張相片所見,大埔墟有間燒味店大排長龍,發帖事主想起一年前幫襯的情況,顯然是公審斥責該燒味店,並想圍爐取暖。

呢間都咁多人幫襯!真係數臭你!上年買燒肉、雞一隻!拜完拎番俾你斬件,係到ee鵝鵝(咿咿哦哦)話阻佢做生意!註︰當時無乜人!拜完都下午喇!

有網民想公審大埔墟某燒味舖。(圖片:大埔TAI PO fb)

原來,事主一年前在該店購買燒味,為了拜祭用而購入未斬件的原隻雞及整條燒肉,拜祭完之後,他將燒味攜帶到店舖要求「售後服務」,店員雖像不太情願,但也有斬件。事主幫襯多年,指「年年都係咁,年年幫襯佢」,對於被碎碎念指阻做生意,懷恨在心。

為店舖大平反

有關帖文發帖一日獲逾600名網民關注按下不同心情emoji,多達500則留言,大部分是斥責樓主是無理顧客,更為店舖平反。「大佬!人哋之前幫你咁多年你唔出post幫手讚下服務好,上年唔斬你就要唱衰,仲要心懷怨恨足一年」、「比較難理解為甚麼間店咁好仲肯幫你」等。

有街坊分享親身經歷,大讚店員老細會幫顧客,可是不是奉旨,顧客態度很重要,她每年都幫襯該店幾次,上至每年去文武廟還神訂乳豬,下至20蚊叉燒切粒。「前2個星期我隻狗走咗要去送佢,去佢度買雞髀,老闆問我做咩眼紅紅,話俾佢知,佢即刻無都切隻俾我」。

最新影片:

更多網民留言

    點擊圖片放大
    +10
    +9

網民分享燒味自己斬

此外,有關帖文掀起網民討論有關衛生問題,指出拜完後拎斬件,尤其現時疫情,擔心不衛生,有網民擔憂「如果真係返轉頭肯斬,我會好驚唔敢買,點知啲料做過咩,掂過啲香灰衣錢,有灰又掂返上人哋砧板⋯⋯」。

有網民會回家自行處理,她們更藉此另開新帖文分享圖片抽水,「雞鴨鵝我盡可能成隻買番嚟自己斬,唔夠力先叫師傅幫我開邊」、「本師奶廿年來用普通鉸剪,拎番去斬好唔衛生㗎」,網民不禁讚好,笑指抽得好、斬得靚。

    點擊圖片放大
    +6
    +5

《香港經濟日報》TOPick新聞「第三屆全港小學生中文作文大賽」 立即參加︰https://bit.ly/3CrwGul

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳