此為 hket App 限定文章
免費下載即享足本內容
前往
掃描開啟:

【移居星國】辭教職移居新加坡做全職主婦 港媽重新定位:與子女溝通更重要

10:00 2022/04/19

分享:

分享:

港媽移居新加坡,變身家庭主婦後,重新思考自我。

移民是近年港人熱門話題,原本在香港任職中學視覺藝術老師近20年的Eunice,機緣巧合下移居較為冷門的新加坡。變身全職家庭主婦,不再有「工人姐姐」照顧起居,Eunice起初極不適應,惟每日操持家務的生活,漸漸讓她反思身為「全職媽媽」的真正意義。而她也「重操舊業」,花更多時間陪伴子女以繪畫尋找自我。Eunice接受TOPick專訪時感慨:

家庭主婦唔應該只係將屋企打掃到一塵不染,陪伴小朋友,用不同嘅媒介同佢哋溝通係更加重要。

育有兩名分別12歲及5歲兒子的Eunice,在香港任職中學視覺藝術老師。教書近20年,原本薪高糧準,長子也就讀本港的知名直資學校。一次機緣巧合機會,丈夫被公司調職新加坡總部,Eunice開始研究新加坡教育。眼見新加坡近年教育改革大刀闊斧,早已從過往嚴苛的填鴨模式,改為重視多元學習的新路向。Eunice抱著不妨一試的心態,舉家移居新加坡,讓兒子接受新加坡式教育。

任教師工作忙感虧欠子女

除了小朋友的學習模式,Eunice的生活亦發生翻天覆地變化,「好多朋友問我新加坡嘅生活係點,習唔習慣全職家庭主婦的生活?」Eunice笑言,突然的身份轉變,確實需要時間適應,

我好鍾意教書,所以我好誇張,當時我係今日仲教緊書,係office執完張檯,第二日就飛去星加坡,『轉工』做全職媽媽。

最新影片推介:

以往教書的日子雖然有快樂,但也有犧牲,「我係主流學校教書,好多行政工作,每日早7晚7,當時工人姐姐同我媽咪都有幫我湊兩個仔,但大仔都要我幫佢睇功課,細仔亦需要媽媽,我又遲收工,成個人好拉扯,長期處於繃緊狀態,假期訓晏小小又唔得,因為咁會冇咗唯一陪小朋友嘅時間」。Eunice說,

我好珍惜我學校嘅小朋友,但有時都會自責,我屋企自己嘅小朋友,我又畀咗咩佢哋呢?

來到新加坡,Eunice生活大逆轉,她坦言,工作範疇不同以往,但繁忙程度卻有過之無不及,「開頭冇工人姐姐,真係當咗自己係工人姐姐,做到網球手,好誇張。」不過,在每日繁重的家務中,Eunice也漸漸反思,生活是否就是每天打掃和煮飯?於是原本作為視覺藝術老師的她,重新開始繪畫。

畫畫可以係一種溝通,我亦重新認識自己,認識自己作為一個家庭主婦嘅定位,原來唔係日日打掃到屋企一塵不染,就係完美。

與兒子共同創作港媽學懂不放棄

兒子轉校到新加坡後,學業壓力較少,Eunice也籍此機會,以繪畫與兒子溝通,「新加坡教育講求多元性,我同我兩個仔都鍾意畫畫,我就希望同佢哋可以一齊創作。」Eunice不再執著於家務的100%完美,而是花更多時間與兒子一同畫畫,「小朋友見到嘅嘢好不同,佢哋反而比較單純,個心更加清晰,更加獨到。」Eunice經常與兒子以同一主題,各自創作。

有一次嘅主題係堅持,我同佢一人畫一張,佢畫咗個人仔,係張紙上面,調轉枝筆不停用擦膠擦,原來佢話:堅持就係就算錯,都要唔放棄,繼續改正。

    點擊圖片放大
    +7
    +6

Eunice深受兒子啟發,身為主婦的同時,她每日抽時間畫一幅畫,描述一家人在新加坡的生活日常。畫作中,Eunice將一家人化身為可愛貓貓,其中不乏爆笑日常瑣事,「嚟到新加坡,反而可以有空間,以同小朋友一齊創作,溝通。」Eunice亦開設Facebook專頁,與其他人一齊分享自己的畫作。

《香港經濟日報》TOPick新聞「第三屆全港小學生中文作文大賽」 立即參加︰https://bit.ly/3CrwGul

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

記者:莊恭南