【ERROR成員】保錡單飛做2022年新人 《猥瑣》MV邀偶像李靜儀做女主角

娛樂 11:18 2022/04/19

分享:

分享:

保錡單飛做2022年新人推慘情情歌《猥瑣》,MV爛面演出邀偶像李靜儀做女主角。

男團ERROR成員吳保錡(Poki)今年正式單飛,成為2022年度的新人,並於昨日(4月18日)推出其首支派台作品《猥瑣》,歌曲除找來黃偉文(Wyman)填詞、Larry Wong作曲及舒文監製,更有Poki的偶像李靜儀(Heidi)擔任MV女主角,打造最強慘情情歌。

《猥瑣》是一個外表猥瑣的人的自白書,Poki道:「猥瑣係人哋望你嘅一種感覺。人哋唔鍾意你,覺得你猥瑣就係一世猥瑣,就算你係一個正常人,就算你幾努力,對對方幾好,你做嘅嘢都係令人討厭。有啲人慘過做兵,因為連做兵都冇機會。」

最新影片推介:Edan呂爵安專訪

Wyman寫出了這樣絕的歌詞,Larry Wong也譜出了最淒美的旋律,Poki今次也要收起在ERROR裡的搞笑細胞,投放最慘情的情緒去演繹歌曲。

Poki特別感謝監製為他投放了很多心機:「錄歌之前,舒老闆用咗幾日時間搵我唱歌個Range,同埋用咩方法唱《猥瑣》會較好,繼而喺錄音時又會教我唱呢個年代嘅流行歌應有嘅態度同情緒,因為《猥瑣》呢首歌好講究歌唱技巧同埋感情運用,但我本身咬字最弱,唱得又唔連貫,所以舒老闆今次特別同我就呢兩方面加強訓練。」

(大會提供)

Poki沒有自肥

歌曲製作得到Wyman、Larry Wong和舒文的加持,MV方面也找來Heidi擔任女主角,這次是Heidi繼綜藝節目《ERROR自救TV》驚喜亮相後,二人首度正式合作。

Poki表示,邀請Heidi參與是跟團隊開會後得到的共識,他解釋道:「因為MV需要一個會演嘅演員擔任女主角,而Heidi近年都係一個公認嘅電影演員,大家都覺得佢非常適合。」

找來偶像演出,但Poki未有自肥,二人今次在MV中的親熱鏡頭欠奉,最親密也只是Heidi用雙手推Poki入浴缸。

Poki認真地道:「我哋係用作品說話,所以一定係以歌曲同MV能表達當中意思行先,就好似我喺MV入面嘅造型係有疤痕,用以表達人生有好多傷痛都會留下瘡疤,只有自己先知,所以要走入教堂搵上帝哭訴。至於可以同Heidi合作係非常開心,因為我真係好崇拜佢,讀大專時已經係佢嘅小Fans,有聽佢嘅歌、睇佢嘅戲,可以同自己偶像合作,係難以形容嘅感動。」

    點擊圖片放大
    +4
    +3

ERROR兄弟齊支持

入行3年,於今年成功單飛,Poki指這是個難得的機會去證明自己,他說:「我嘅終極夢想係想成為一個歌手,但歌手唔係自己覺得,係要人哋話你係,你先係,所以今年嘅目標係想做好多大家唱K會唱、搭車時會聽,甚至係陪到大家成長嘅廣東歌。」

首次派台的Poki見到自己的作品面世亦非常感動,他在限時動態寫道:「第一首聽自己的作品在電台首播,真的忍不住淚水,哭了。」MV上架13小時,登上了熱門排行榜第五位,Poki亦有留言:「謝謝喜歡的每一位。」

Poki終於如願單飛推出新歌,一班ERROR兄弟都為他感到高興,肥仔(梁業)、Dee哥(何啟華)及193(郭嘉駿)都有轉發《猥瑣》的MV幫好兄弟宣傳,肥仔更在Poki的帖文下留言:「撐硬你!」

MIRROR成員亦有撐場,包括同為今年新人的Jeremy(李駿傑)、Alton(王智德),以及Edan(呂爵安)及Tiger(邱傲然)等。

    點擊圖片放大
    +9
    +8

撰文 : TOPick柴犬出動