【沉迷打機】弟弟畢業後嫌返工辛苦打機度日 兄長屢勸不果憂日後無法自理

親子 12:15 2022/04/19

分享:

分享:

網民抱怨胞弟每日在家打機做廢青,令其相當擔憂。

兄弟如手足,理應互相照顧,不過有網民就發文抱怨,指胞弟中學畢業後,嫌棄工作辛苦,不願尋求全職工作,僅每星期做2至3日兼職,每次只做數小時賺取零用錢,而平時「每日除咗食同訓,就係同一班廢青朋友全日打機」。該名哥哥多次勸說弟弟,但弟弟屢勸不改。哥哥對此深感擔憂,「其實佢聽唔聽我講,將來生活點樣,衰d講其實唔關我事,唔影響到我,但一場親人,明知佢再係咁落去,未來一定慘淡。」

多年前已有日本學者提出「低欲望社會」的概念,近年中國内地年輕人,也興起一股「躺平主義」風潮。不過,倘若躺平的是親弟弟,就是在令人心急。近日有網民就在連登討論區LIHKG發文,指「屋企有個廢青問題」。

發文的兄長表示,自己家境一般,「住公屋,屋企冇父幹,啱啱好夠開飯,最大心願係自己買樓搬出公屋,一直向住呢個目標努力緊。」不過其弟卻不爭氣,中學畢業後輟學,亦沒有全職工作,每日僅與朋友「打機度日」,十足「廢青」。

帖文又提到,家人曾多次勸説弟弟「唔讀書就搵份正職做,冇讀書唔緊要搵啲唔洗學歷嘅工,一路做一路學,慢慢儲經驗,直頭教埋佢搵工,幫佢篩選埋工叫佢申請,但佢就好多藉口,一係就話份工太辛苦,一係就話份工工時長,一係就話份工太麻煩。」

最新影片推介:

該哥哥對此十分無奈,「我一直都有同佢好聲好氣,慢慢同佢講道理,解釋返個社會現實,冇學歷冇經驗冇父幹,有邊個唔洗做,一開始係要挨下。直頭同佢解釋埋,將來父母冇野做或百年歸老,我亦都會搬出去有自己嘅生活。而佢而家日日打機唔洗返工嘅爽,係建基於有屋企人幫佢交租,水電煤,上網費等等但係將來唔會有人養到佢老,佢始終要靠自己搵食和生存,樣樣都係錢。想將來有好嘅生活,後生有少少辛苦在所難免。佢而家做廢青其實係透支緊自己嘅生活,將來一定要還。」

不過樓主的弟弟毫不領情,「左耳入右耳出,繼續我行我素」。哥哥則感嘆,「同樣嘅說話我講過好多次,講到唔想再講,好攰好似對牛彈琴咁,我完全唔明點解佢可以咁大安旨意,對將來生活,一啲危機感都冇。其實佢聽唔聽我講,將來生活點樣,衰d講其實唔關我事,唔影響到我。但一場親人,明知佢再係咁落去,未來一定慘淡,唔繼續點醒佢幫佢又於心不忍」。

該哥哥最後問網民,是否應該放手,任由弟弟自己選擇,「後果佢自己承受,定係抱住少少佢仲有得救嘅希望,盡力再谷下佢」。

    點擊圖片放大
    +5
    +4

帖文引來不少網民留言討論。有人直言「條路佢自己揀 自甘墮落就算啦」;「佢30歲都會繼續係咁唔會變,建議你放棄佢」。亦有人建議,「其實可以而家開始就要狠心啲,例如屋企開飯唔煮佢飯唔比佢食,佢冇貢獻又剩係識打機,咁大個人咩都冇付出過,憑咩要比你食」;「一日同你地一齊住,一日都係咁,除非你地趕佢走」。

不過,也有網民認為,「佢係佢,你係你,佢選擇佢而家嘅生存方式係佢嘅自由。」

《香港經濟日報》TOPick新聞「第三屆全港小學生中文作文大賽」 立即參加︰https://bit.ly/3CrwGul

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯:王明芳