【開心速遞】「王朝」莫家淦暫別《愛.回家》 自爆跳出舒適圈全靠「望海」

娛樂 12:57 2022/04/22

分享:

分享:

接龍保安部五子接受無綫娛樂新聞台《Star Talk》專訪。焦浩軒(左起)、王致狄、莫家淦、潘盈慧、黃耀煌、衛志豪

在《愛.回家之開心速遞》飾演「王朝」而成功入屋的莫家淦(Keith)將暫別劇組北上發展,日前Keith與接龍保安部好兄弟「鐵面陳」王致狄、「馬漢」衛志豪、「阿壯」焦浩軒及「張龍」黃耀煌齊齊接受TVB娛樂新聞台節目《Star Talk》專訪。

除了保安部好兄弟合體歡送Keith外,五子亦與主持潘盈慧分享拍攝《愛.回家》的趣事。

臨別秋波,接龍保安部齊集天台特訓送別Keith,一班好兄弟打鬧過後,才正正經經坐下來接受訪問。現年39歲的Keith在疫情期間因工作量減少,便嘗試開設影片頻道,無心插柳下被經理人公司看中,對方希望他主力在內地發展。

最新影片推介:Edan專訪

【疫境求變】莫家淦演藝收入跌至1/4難養妻兒 暫別《愛回家》北上發展︰人要變通

 因大海令他勇敢跳出舒適圈  離開感不捨

由於要離開家人一段時間,Keith內心無不掙扎,最終因為一次郵輪登台經歷,讓Keith下定決心跳出舒適圈,更自爆與大海有關,Keith說:「夜晚冇嘢做望住個大海,喺度諗人生茫茫,條路應該點行呢?收入又唔係好頂得住,之後把心一橫決定去闖一闖!」

Keith加入《愛.回家之開心速遞》劇組逾4年,因「王朝」一角為人熟悉,要暫別《愛.回家》自然大感不捨,他說:「做咗千幾集,面對咁多好對手同演員,我都學到好多嘢;但開始有啲力有不逮,覺得出去再學多啲嘢,返嚟先可以同大家比併。」

接龍保安部兄弟都非常支持Keith的決定,並十分佩服他向外闖的勇氣,衛志豪說:「佢好鍾意試新嘢,又夠勇敢決斷,都幾佩服佢。」

    點擊圖片放大
    +8
    +7

拍攝難忘事

《愛.回家》一星期播足七日,劇組演員就如屋企人般,差不多每天都會見面。

問到接龍保安五子最難忘的事,王致狄大爆Keith曾離奇失蹤說:「阿淦話畀我哋聽前一晚收凌晨4點,跟住第二日要開8點半。嗰朝我哋化晒妝先發現佢唔喺度,打畀佢電話又唔通,心諗大件事喇,佢失咗蹤!最後喺停車場搵到佢,原來佢較低咗張櫈瞓着咗,嗰次都幾深刻!」

最後四子輪流向Keith送上臨別祝福,黃耀煌感性地說:「既然做咗呢個決定,希望佢發展得好好,唔使咁快返番嚟,令呢個旅程變得更值得。」

撰文 : TOPick柴犬出動