【Chill Club】馮允謙獲獎雙喜臨門 　個唱優先訂票火速售罄

馮允謙（Jay Fung）昨晚在《CHILL CLUB推介榜 年度推介21/22》獲得「年度唱作歌手」銀獎後，今早迎來另一個好消息：將於7月九展StarHall舉行首次個人演唱會「馮允謙Have a JAY Time 2022 演唱會」，今早優先訂票火速售罄。

Jay興奮說：「我好開心，好開心，多謝大家。我等咗十年終於可以開個人演唱會，而知道好多人想嚟睇，我覺得好感恩。買唔到飛嘅朋友唔好灰心，遲啲仲有公開發售。希望之後限聚人數放寬或者加場，咁就可以多啲朋友入場睇我唱歌，不過呢啲都只係我嘅夢想啦！」

昨晚得獎後，Jay表示好感恩：「雖然我付出好多努力，寫咗好多歌，但公司團隊和其他合作單位都好努力，所以我想用呢個獎報答佢哋。嚟緊唔可以停，7月2至4日我會舉行首個個人演唱會，我有好多歌要寫，唔可以停 ，要繼續衝。欣宜也公開追歌，其實我寫咗，但覺得未完美，Joyce值得擁有最完美，所以我要再調整到最滿意先至畀佢聽，好快，我會努力！」

最新影片：張明偉