【好人好事】好鄰居停裝修兩星期讓DSE考生溫書 網民讚有愛:諗起童年時屋邨互助精神

親子 11:04 2022/04/26

分享:

分享:

香港中學文憑考試(DSE)於4月22日開考,一眾莘莘學子為爭取大學入場券都努力溫書,為前途搏到盡,但香港居住環境擠逼,一層動輒十幾戶,如果遇上左鄰右里裝修發出噪音,容易令考生情緒受困影響心情,以致不能專心溫書,有網民在facebook群組「家居裝修分享谷」發貼指收到鄰居要求停裝修兩星期給DSE考生溫書,而裝修公司都願意配合,網民表示已經答應鄰居的要求。

最新影片推介:

該網民的行動獲網民激讚,「好人有好報」、「如果個個都係你就好啦,我樓上樓下都裝修,煩死,真係唔使專心」、「你係好人裝修公司都是好公司,港還是有心人多」、「樓主令我諗起我童年屋邨人互助精神!」、「好鄰居有愛」、「DSE人生大事,支持你咁做,做得好啱」。

    點擊圖片放大
    +5
    +4

而樓主都有回覆網民留言,不過他就謙稱「唔係, 只係總覺得裝修好滋擾人,上次拆牆打地台直情全層樓犯眾憎咁,依家隔離個仔女考dse, 嘈到佢如果考衰咗就一世, 不如停2星期俾佢哋專心溫書,好過之後埋怨我哋一家一世。」而網民就回覆樓主的留言「咁考衰咗都唔係一世嘅不過好欣賞你」、「的確考衰咗唔係一世,不過怨樓主無一世都大半世」。

而有應屆考生的家長就留言表示自己沒有那麼好運遇上好鄰居,「如果個個都係你就好啦,我樓上樓下都裝修,煩死,真係唔使專心」、「我個要去會所避難,無會所死得」、「冇,這兩星期我家正正樓上日日鑽牆,我仔今年考DSE,塞耳都唔掂」。

樓主在貼中再問其他網友,「各裝修業主們大家有冇呢排停一停裝修俾左鄰右舍專心考DSE?」,不過網民反應兩極,有人覺得為何考生不去自修室,要全世界遷就他,有人就認為考生用耳塞就可以,叫停裝修太誇張」,不過都有網民指「幫係人情,唔幫係道理。好老實講,如果鄰居有禮貌地要求,一切好商量,但如果聲大夾惡串串貢,就啋佢有味。」

《香港經濟日報》TOPick新聞「第三屆全港小學生中文作文大賽」 立即參加︰https://bit.ly/3CrwGul

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳