【疫境中的餐桌】昔日兩大東張女神現身開電視 林泳淘林希靈分享入廚樂

娛樂 12:45 2022/04/29

分享:

分享:

林泳淘(Wingto)今晚(4月29日)作客好友林希靈主持的香港開電視節目《疫境中的餐桌》,席間除向星級名廚張錦祥(Ricky)和藍帶廚師蔣怡(Coco)偷師,還分享了與老公林卓立的生活趣事,她更笑言「新手人妻」需要酒精減壓,現場笑聲四起!

茹素十年,Wingto不時在社交平台分享素食餐盒,因而被Ricky和林希靈大讚煮得,對此Wingto笑指不敢當:「我係BB級,我煮嗰啲係師奶、阿媽菜式。」

分享入廚小貼士

這位「小廚神」也透露因為愛吃意大利飯(Risotto)而經常下煮,還即場分享煮食小貼士:「我鍾意洋蔥爽脆口感,所以炒一炒就會拎起,最後先放返入去,因為炒得太耐會腍晒。」

最新影片推介:張明偉專訪

不過提到烹調意大利飯必備的白酒,Wingto隨即搞笑自揭愛酒一面:「平時我會加兩次白酒,因為我驚啲酒味無晒、揮發晒;你知啦,有陣時兩公婆都需要啲酒精,哈哈!」

Coco大展功架

除Ricky主理的「牛肝菌鮮菇意大利飯」,今集Coco也為「食肉獸」林希靈炮製高蛋白高營養的「零脂肪脆脆炸蝦配海膽醬」,主打以烤焗代替油炸,既保留香脆口感,又確保零油份無負擔。

Wingto也笑言此舉一定深得老公歡心:「佢一定好欣賞(非油炸),因為我平時超鍾意食炸嘢,仲會炸到廚房周圍都係油,每一次都係我煮佢洗,哈哈!」

    點擊圖片放大
    +5
    +4

撰文 : TOPick柴犬出動