【食不下嚥】拆解開刀剝智慧齒迷思 孔德賢分享一次過剝4隻智慧齒經歷:第4日仍食唔到飯

健康 15:24 2022/05/04

分享:

分享:

早日康復!

俗語說牙痛慘過大病!智慧齒長在口腔最入的位置,難以清潔,容易引起蛀牙問題,一旦發炎腫痛便要找牙醫拔除,剝智慧齒過程恐怖,術後隨時痛到睡不安寧,而且手術費用高昂,如果一次過剝4隻更是難以想像!不過藝人孔德賢竟然挑戰極限,一次過剝掉4隻,事後他自嘲自己面腫到似巴斯光年,第4日都食唔到飯!

最新影片推介:

他在社交網分享經歷,早在7年前大學時代看牙醫時,已經被勸喻盡早處理,但他當醫生的說話是耳邊風,繼續與智慧齒「幸福快樂生活下去」,結果7年後上排兩隻智慧齒因為長得太入而未能清潔,下面兩隻也打橫生,而且只生得一半,牙縫間積住細菌所以定期就會發炎,最後他把心一橫,下定決心去找牙醫剝牙。

一次過剝4隻。

事前他詢問朋友意見,很多人都說「通常最多一次過剝兩隻。」而當他到達牙醫診所時,醫生表示可以一次過剝4隻,他分享經歷時說剝牙過程不痛而且很快:

又大又粗嘅麻醉針,打咗6,7下,其實唔係咁痛,然後慢慢成個口就無晒感覺。只係聽到好大聲嘅電鋸聲同埋吸口水嘅聲,仲有感覺到牙醫好大好大力咁撬我啲牙,個種恐懼感,同做激光矯視差唔多,都係嚇到標冷汗。好彩個醫生出名手勢好(收費貴),10分鐘剝晒4隻,完全唔痛。

不過事後才是痛苦的開始,他表示做完手術離開時,姑娘就問他有沒有頭暈頭痛想嘔,他被要求不停吞口水,姑娘還提醒他要敷冰,否則會腫到似比卡超!不過孔德賢就覺得自己腫到似巴斯光年多點,他分享了幾張照片,跟剝牙後這4天的情況:

第一日個口麻痹晒,完全feel唔到任何嘢,好似無咗個嘴咁,個口擘唔大,只可以食到蛋糕仔,魚生,飲水都有啲困難。

第二日開始腫到好似含住啲嘢咁,個口依然擘唔開。全日都係食粥,同生果,連食菜同肉都要剪碎佢,好辛苦。但我就覺得似巴斯光年多過比卡超。

第三日好彩無再腫落去,個口開始擘開到,可以食到少少唔係流質嘅嘢。

今日第四日都係食唔到飯,未消腫,仲要個口生晒飛滋。開始轉左暖敷,增加血液循環快啲消腫。

 

    點擊圖片放大
    +8
    +7

《香港經濟日報》TOPick新聞「第三屆全港小學生中文作文大賽」 立即參加︰https://bit.ly/3CrwGul

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯:王明芳