【全民造星】雲浩影拍新歌《願望之翼》MV仙氣滿溢 Cloud追歌手夢放棄當OL【多圖】

娛樂 15:47 2022/05/05

分享:

分享:

雲浩影正式出道!

於《全民造星III》裡雲浩影(Cloud)憑著傻氣性格兼甜美外表,雖然最後未能入三甲,但雲浩影最後於觀眾投票獲第一。

比賽結束後,雲浩影獲廣告商垂青拍攝不少廣告,近日更獲得寰亞唱片的賞識,加盟旗下成為鄭秀文同門師妹,早前化身仙氣女神拍攝首個MV。

最新影片推介:陳山聰專訪

【全民造星III】雲浩影唱首支廣告歌 Cloud挑戰綠幕演戲獲讚有天份

上山下海拍MV

雲浩影日前為第一首派台歌《願望之翼》上山下海拍MV,Cloud清晨隨著MV拍攝團隊出發,搭船到小島上拍攝,一身白色紗裙仙氣逼人。導演湯駿業將山坡草原布置成睡房,360度風景有山有海,Cloud躺在大床上仰望遼濶的天空。

她說:「多謝團隊準備咗好多好靚嘅道具,連途人都走嚟影相打卡,然後竟然喺個山坡草地上搭咗間睡房出嚟,好神奇。雖然與蚊作伴,同埋咁多人圍住我拍嘢,但純大自然海景,瞓上床真係好舒服,無敵Staycation!」

Cloud直言第一首歌的第一位聽眾當然是媽咪,她說:「原本我想首歌做晒混音編曲,完整好晒先至畀媽咪聽,但佢成日追問我出歌未。我知無論點樣媽咪都一定話好,我做乜佢都大力支持,所以畀媽咪聽咗,果然話好聽,至於妹妹話等聽出街版本嘅驚喜。」

點擊圖片放大
+12
+11

比賽結束一年多,Cloud曾經返回原本工作崗位繼續做OL,但一直放不下心中的歌手夢,最後決定捉緊機會,落實簽定寰亞唱片。

出道第一首主打歌《願望之翼》,歌詞隱藏著她的故事和對自己的寄語,事前用另類方泓跟作詞人林若寧溝通,Cloud說:「我有好多嘢想講,但思緒有啲混亂,好難一言一語去講我嘅心路歷程,所以我寫咗一篇『日記』。因為我哋同林若寧好似網友,未曾見面,要將私密嘅一面同佢分享,有少少尷尬。佢睇完我篇『日記』再結合佢認識嘅我,寫出嘅歌詞,完全表達到我心裏想講嘅嘢。」

雲浩影參加《全民造星III》而入行。

Cloud續說:「我都喺呢首歌,留咗啲寄語畀將來嘅自己,希望將來無論如何,回望呢一刻嘅自己,記得初心。」而監製蘇道哲對音樂的堅持和品味,令Cloud非常放心。

點擊圖片放大
+6
+5

【全民造星III】雲浩影廣告身價上升努力吸金 Cloud視男友為結婚對象

除了寄語自己勿忘初心,Cloud亦憑歌送給香港人,她說:「希望呢首歌令人有振翅高飛嘅感覺,香港人太耐無飛啦,希望帶畀大家有一種去旅行、身心自由自在嘅感覺。」

撰文 : TOPick柴犬出動