【母親節】鍾麗淇渴望大女可叫一聲媽媽 堅強母親:女兒每日有點進步已好開心

育兒經 16:17 2022/05/07

分享:

分享:

在本周日(5月8日)母親節,堅強媽媽鍾麗淇(Margaret )任港台《舊日的足跡》嘉賓,她表示今年母親節,最渴望聽到大女兒叫她一聲媽媽,就算說不清楚只是一句「唔唔」,對她來說已是最好的禮物。

眾所周知 ,她一直努力照顧患有罕見病的大女兒Isabella,鍾麗淇說:「每次我叫佢叫我媽媽,佢都會偷笑。我知道佢明白,只係暫時講唔到,我知道有一日,佢一定會講出嚟。」

【戰士公主】罕見病女兒曾被斷言活不過2歲 鍾麗淇為女慶祝11歲生日:你是戰鬥勇士

最新影片推介:

感恩兩女感情好

當年女兒曾被醫生斷定過不了兩歲,但在鍾麗淇及家人悉心照顧,以及Isabella的努力,這位生命鬥士已慶祝了11歲的生日。

鍾麗淇說:「我從來冇倒數,只追求女兒每日都有少少進步,我已經覺得好開心。」她並稱,她與丈夫也不曾對此埋怨過,兩人認為命運既定已接受上天給他們安排的路。

多年來大女兒的身體狀況時時好時壞,小女兒願意照顧家姐讓鍾麗淇感到欣慰:「我兩個女感情好好。我冇要求細女一定要照顧家姐,但佢會,太好嘞佢唔會 都冇問題,我唔會怪佢,唔會畀任何壓力佢。」

    點擊圖片放大
    +6
    +5

夢見亡母

其實Isabella在6個月大時確診罕見基因病,可是又再要受另一打擊,在個幾月之後,鍾媽媽離世。

鍾麗淇表示,感覺到那是媽媽自己的選擇:「佢回魂嗰日我發咗個夢,好清楚記得我同佢坐喺間房,佢坐喺我隔籬,好靚,係病之前健康個樣。佢第一句就話舒服哂。 我好想攞個電話畀佢睇Isabella嘅相,但點都搵唔倒,佢攬住我 話: 『唔駛搵 我知道』 ……跟住我就起咗身。」

她表示:「我好多謝佢畀我嘅信息,佢知道我好需要呢樣嘢。我一直怪責自己冇做好做女嘅責任,我只係不斷講唔開心嘅事令佢唔開心。呢個夢見畀我知道佢冇責怪我,好錫我。」

撰文 : TOPick柴犬出動