【開心速遞】林凱恩為母圓夢參選港姐 Iris難忘與媽媽同年畢業齊戴四方帽

娛樂 16:22 2022/05/09

分享:

分享:

林凱恩當年參選港姐,原來是為媽媽圓夢。

無綫母親節特備節目《日日媽媽好》昨晚(8日)播映,由余安安、羅敏莊及鄭衍峰擔任主持,節目請來多位媽媽級嘉賓、藝員、「後生仔」及《聲夢傳奇》畢業生。

《日日媽媽好》的嘉賓包括炎明熹(Gigi)、林智樂(Felix)、何晉樂(Rock)、林君蓮(Kaitlyn)、潘靜文(Sherman)、蔡愷穎(Lolita)、林沚羿(Venus)。

除「聲夢學員」外,還有林溥來(Patrick Sir)與太太關宛珊、黃建東與媽咪、林凱恩與媽咪、郭子豪、蘇韻姿、陳曉華、黃嘉雯、楊卓娜與老公及女兒、劉頌鵬、曾展望、林正峰及陳欣茵,分別以輕鬆、溫馨及感性的角度,與觀眾分享與媽媽的二三事。

【食腦喪B】林凱恩永遠銘記愛犬離世一刻 Iris領養毛孩:將那份愛延續下去

最新影片推介:葛綽瑤專訪

為母圓夢選港姐

2015年香港小姐「友誼小姐」得主林凱恩(Iris),近年憑《愛.回家之開心速遞》成功入屋。在《愛.回家》中飾演傻氣乖乖女的Iris,現實生活中亦同樣乖巧孝順,與媽咪情同姊妹的她,原來當年參選港姐是為了幫媽咪圓夢。

她透露:「我細細個已經覺得媽咪好靚,覺得佢後生時好有氣質。到我大個喇,就算我化咗妝,我企喺媽咪隔籬,啲人都係話我媽媽有氣質過我。媽媽同我講佢有諗過選香港小姐,但佢奈何要做嘢;媽咪以前讀中學時,又玩體操,又玩美術,我覺得佢(選港姐)其實應該勝任過我好多,佢更適合入呢行。」

Iris續指入行後,由於工作時間不穩定,與媽咪少了機會及時間見面,但二人感情反而更進一步。

【開心速遞】林凱恩高齡愛犬不敵病魔離世 淚崩不忍分離:短期內不想再養第二次【有片】

《日日媽媽好》

齊戴四方帽畢業

問到二人的難忘事,Iris指是與林媽媽一起穿上畢業袍。

原來林媽媽一直想圓夢讀大學,為了能與女兒同一年畢業,林媽媽更很努力用功趕進度,林媽媽說:「因為能夠同個女一齊戴四方帽影相,唔係好多人有呢個機會。」皇天不負有心人,林媽媽與Iris最終不但一起穿上畢業袍,更手牽手拍了畢業照。

對於與媽咪一起努力完成學業,Iris笑言感覺很有趣:「我哋讀書嘅時候身份係調轉㗎,我要寫論文啦,媽咪都要考試㗎嘛,但佢讀讀吓書會瞌眼瞓,咁我會看住佢,同埋叫佢『起身喇,冇時間喇,要交功課喇!』又會問住佢成績出咗未,感覺唔似兩母女、似同學。」

    點擊圖片放大
    +9
    +8

母親的愛

林媽媽亦直指Iris比自己更像母親:「佢真係好孝順,佢會好緊張我,有時我冇聽電話,佢就問我做乜唔聽電話,你去咗邊咁?」 

另一次令Iris難忘又感動的經歷,是與媽咪去日本旅行期間,因自己安排失當、行程排得太緊密,連累媽咪要吃便利店食物裹腹而感內疚,當時林媽媽一句回應,讓Iris暖在心頭:「我同媽咪講對唔住,因為我編排得唔好,搞成你咁。我媽咪就話,唔緊要喎,我覺得好好食,好開心呀。媽咪係我最好嘅旅行伴侶。」

撰文 : TOPick柴犬出動