【老公紋身】孝順仔欲將亡母名紋身紀念 港妻不滿做法︰唔太鍾意

親子 16:10 2022/05/10

分享:

分享:

有港妻分享,丈夫欲將離世奶奶的名字紋身。

有人會將離世親友或摯愛的名字紋在身上,不過這個紀念方式並非人人接受。一名港妻早前在網上討論區指出,丈夫欲將離世奶奶的名字紋身,但她對此感到不悅,而丈夫亦不解她為何不認同。

手臂紋名紀念亡母

該名人妻於「親子王國討論區」以「C6話要紋身」為題發帖文表示,奶奶於數月前離世,丈夫跟她說,「準備紋奶奶個名喺手臂」,而他本身沒有紋身。人妻聽後直言「唔太鍾意」,但沒有多說甚麼。

丈夫可能見她有異,因而「話我奇怪,唔明點解我唔認同佢」。人妻明白紋身是丈夫的個人決定,只是覺得「一時間聽到太突然,冇諗過佢會咁做」。

最新影片︰

網民︰嗰個係佢阿媽

不少網民認為丈夫將亡母名字紋身並沒問題,只是表達他對媽媽的愛。有網民指出,「我會尊重老公意願」、「呢個係佢自由,嗰個係佢阿媽」、「你話佢紋第二個女人就話啫,佢紋阿媽我反而支持」、「而家呢個年代紋身好小事」。

另一方面,也有網民不贊成另一半將媽媽名字紋身,坦言「俾我都唔鍾意啦」、「我都接受唔到,紀念都好多方式」、「雖然可以理解,但並不喜歡」。其中一名網民反對紋身,表示「其他人我唔理,但我唔想伴侶有紋身」。

點擊睇更多網民意見:

    點擊圖片放大
    +9
    +8

紋身不要紋全名?

對於紋身一事,有網民建議不要紋全名,可以紋單字、英文簡寫、數字,或以圖案代表意思,如想紋身在當眼位置更要考慮清楚。有網民分享,「我朋友爸爸個名有個『楓』字,佢紋咗片楓葉喺左手前臂內側度紀念爸爸」。另有網民的朋友寵物過身後,對方將寵物化成卡通樣紋在手臂上。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳