【張敬軒演唱會】狀態大勇唱至近半夜 女神林明禎送軒公榴槤

娛樂 10:31 2022/05/11

分享:

分享:

《張敬軒THE NEXT 20 演唱會補場》今年初因為疫情關係而把最後8場演出暫停,至昨晚(5月10日)終再度補場重開,並把加開場次增至16場,這也是第五波疫情放緩後首個紅館演唱會。

因應康文署的放寬社交條例,暫時只能開放五成觀眾入座,張唱敬第一晚的補場演唱會,未能用上座無虛席來形容,不過5成入座率都全滿,也無損觀眾熱情,軒仔在休息幾個月後,狀態大勇,一口氣唱出多首代表作。

    點擊圖片放大
    +8
    +7

入行20年的張敬軒,已穩佔現時樂壇一線歌手位置,現今次演唱會也盡展其叫座力,今次連同補場的場數接近30場,真的頗有80年代樂壇盛世的光景。

養足精力的張敬軒,首日補場已狀態大勇,入場數字受規限只有五成,軒仔也不無感觸,稱:「今晚得五成觀眾,但係已經係呢個時侯嘅full house喇!真係百感交雜!呢4個月發生好多事,我地身邊,我地香港都係。大家可以再坐番係呢度,我要懷住好感恩的心去努力唱好今晚每一首歌。我決定呢16場演唱會,每一場都當尾場咁做。我唔係講笑,話你聽,今晚有兩個嘉賓!」

觀眾呼歡拍掌起哄,軒仔就無奈笑住話,「我覺得好灰,大家唔係來睇我咩?所有親友都係問,我個晚咩嘉賓?我咪係你個嘉賓囉!」

接著軒仔發現觀眾席,有歌迷高舉一個閃令令紙紮牌,軒仔指著歌迷說,「又係你呀! 呢位朋友每次整d 好配合紅磡主題的燈牌比我!我想問中間識閃個舊黃色係咩?鐘?你送個鐘比我?紙紮鐘?你真係好野 !重要剛好12 個字係我扮 mirror 個樣!就憑你呢份創意,我真係要回番個禮比你。」

軒仔確實十分賣力,除唱到幾乎半夜,首場兩位嘉賓包括陳柏宇和林明禎,明禎並送上馬來西亞特產榴槤,觀眾大呼抵睇。

至於外間流傳很多嘉賓不同名單,包括有姜濤等,英皇娛樂演唱會部總監馮貽柏表示,流傳的嘉賓名單,當中存在很多幻想及虛構,相信聰明觀眾不會相信這些流傳消息。每晚嘉賓,當晚到場才會公佈,留予大家驚喜。

最新影片推介:葛綽瑤專訪

撰文 : TOPick柴犬出動