【MIRROR成員】柳應廷以新唱腔演繹《離別的規矩》 Jer盼新歌讓大家抒發情感

娛樂 14:29 2022/05/11

分享:

分享:

柳應廷(Jer)新歌《離別的規矩》。

人氣組合MIRROR成員的柳應廷(Jer)新歌《離別的規矩》,卸棄了澎湃的編曲與唱法,以最貼近樂迷耳朵的演繹,跟你分享一場傷痛的經歷。

最新影片推介:葛綽瑤專訪

【MIRROR成員】柳應廷推出情歌三部曲 Jer拍《離別的規矩》MV失控爆喊
 

一改唱腔演繹 望大家抒發情感

今次Jer演繹《離別的規矩》時,跟以往的唱腔有著明顯的不同。

他解釋道:「今次吳林峰寫咗一首有啲Un嘅舞曲,但我要用慢版嘅方式去演繹,對我嚟講係一個新挑戰,加上歌曲嘅內容,我想用比較人嘅語氣,好似細細聲喺你耳邊講嘢嘅方式唱出嚟,係自己喺唱法上嘅第一次轉變,希望大家聽到後有共鳴,又或者會有感觸。」

Jer所談及的共鳴位,就是歌詞內容所說的人與人與之間的關係。Jer指近年大家面對最多便是離別的情緒:「好似有親友移民外地,喺面對離別,我好想透過《離別的規矩》同大家一同呼吸,呢首歌可以成為一個救生出口,大家聽完可以舒服啲,有啲情感可以抒發到。」

《離別的規矩》


 編曲有特別安排

在《離別的規矩》的製作上,Jer跟以往一樣都有參與討論,不過經過過去的合作,他與小克、王雙駿及吳林峰之間早有默契,所以當他想到整體概念後,便告知小克,然後交由小克,將概念化成為文字。

此外,Jer對於編曲上亦有特別要求,他說:「今次我想簡約啲,因為過去嘅歌都比較澎湃,好多樂器,但今次聽《離別的規矩》你會發現頭半段主要係人聲為主,然後就只有結他同琴,呢個都係想做返一首『地』啲嘅歌,貼近番歌曲想講嘅人與人之間嘅關係,所以唔使用太多樂器,拉近番個距離。」

Jer又指若細心留意的話,會發現今次編曲上其實還加入了中式樂器,例如笛和蕭,以及西方的弦樂結合,得出很好的化學作用。

    點擊圖片放大
    +6
    +5

感謝各方位的努力

至於在推出歌曲之前,小克曾在社交平台表示Jer的演繹會令人耳朵懷孕,Jer聽罷謙虛道:「我成日覺得Jer嘅歌唔係淨係靠我自己,除咗我把聲之外,仲要有情感代入,編曲、作詞,甚至MV拍攝都好重要,缺一不可,所以希望大家都會用心對待每個單位嘅創作。」

撰文 : TOPick柴犬出動