【360秒人生課堂】林盛斌遭廣告商嫌棄 魯振順難忘母親床邊餵食

娛樂 15:12 2022/05/11

分享:

分享:

《360秒人生課堂》

由主持林盛斌(Bob)主持的TVB綜藝節目《360秒人生課堂》,明後兩晚分別播出最後兩集。

最後兩集的《360秒人生課堂》內容將延長至45分鐘,演講嘉賓先後有以棟篤笑角度講述歧視問題的印度裔香港人阿V、曾因陷全身癱瘓難關、一度有意尋死的嚴楚碧(Rabi)、面對「淪落」指控的Sales陳迪豪Tony、感激亡母無私付出的魯振順。

【360秒人生課堂】特技演員慧慧積極面對連串逆境 勤奮工作獲錢嘉樂賞識

最新影片推介:葛綽瑤專訪

遭廣告商嫌棄

主持人Bob亦以壓軸演講嘉賓身份,講述入行初期如何遭受冷眼,以及感激嘲諷過他的人成就今時今日強大的自己。

阿Bob說:「記得當年喺電台冇節目做,突然有一日有機會畀我錄電台廣告,平時錄廣告嗰位DJ係啤梨(葉文輝),嗰日佢唔舒服,但個廣告又趕住出街,監製一見到我行過就話:『你啦!』就係咁,我錄咗我人生第一次電台廣告,我好開心,好畀心機。」

可是結果不似預期,阿Bob續說:「個客聽完第一句就問:『呢把聲邊個嚟?阿Bob?乜水嚟架?你唔好搵啲阿豬阿狗去錄我啲廣告吖。得得得,個廣告唔出街住,你等啤梨好番先再錄啦。」

林盛斌

難忘母親支持

另一位演講嘉賓魯振順則對已離世的母親、一直默默支持其追尋演員夢表達謝意:「阿爸唔贊成我參加訓練班,但阿媽冇理佢,佢只係叫我畀心機做好自己、爭番啖氣。」

他回憶稱:「嗰時實習要做甲乙丙丁、行行企企,根本冇得瞓冇得休息;咁一有得瞓就梗係死命咁瞓、乜都唔食啦,但我阿媽就坐喺床邊,用個匙羮將啲食物塞落我個嘴度話要食嘢,佢話:『唔食嘢冇營養會死架』。」

魯振順

憑意志雙手漸康復

另外,3位素人嘉賓,分享自己故事,當中因在20年前一場嚴重交通意外、苦陷全身癱瘓危機的嚴楚碧(Rabi),其故事更是相當勵志:「我媽咪一路好埋怨點解會咁,都會令到我哋唔開心,我話不如我哋放低啦,就算殺咗嗰個人,我都唔可以好番,點解唔諗吓開心去面對同康復?」

最終Rabbi憑驚人意志、配以9個月時間的努力、令雙手逐漸恢復活動能力,並向著最終能站起來的目標進發:「希望大家珍惜自己生命,只要留住條命,就會有機會。」

嚴楚碧(Rabi)

撰文 : TOPick柴犬出動