【榴槤關注】榴槤群驚現「生番薯」! Bless解構成因再教5招揀靚榴槤!

健康 15:01 2022/05/12

分享:

分享:

五月來臨,本是食榴槤的好季節。但近日發現,Facebook上一個「榴槤關注組」出現大批苦主,指出市面買來的榴槤,整體質量極為參差,完全就是賭運氣。有網民評價:「生番薯…乜味道都無,好似食雞蛋咁」,令苦主大叫:「中伏」,場面令人哭笑不得。

熱帶果王 - 榴槤

榴槤原產自馬來西亞,產期是6~8月。其營養價值極高,在中醫角度,有滋陰壯陽的功效,常言「一個榴槤,三隻雞」,更有不少婦女坐月都以此補身,由這可見一斑。但也須注意,榴槤屬於高熱量食物,一個榴槤至少有600卡熱量,減肥和糖尿病人不宜過多食用。

颱風「妮妲」造成 受災榴槤湧入香港

去年8月,第11號颱風「妮妲」(國際命名:NIDA,編號第11號)吹襲東南亞,當地不少種植園受災,部分榴槤樹被強風吹倒折斷,更有大量沒有成熟的榴槤被吹落,令果農損失慘重。雖然各地政府都有處理指引,但仍有一部分人為了減輕損失,會將受災水果平價割讓,由當地分銷商雪藏再催熟後,經市面流入本港。

Bless專家教路 5招解揀靚榴槤

揀法一:樹上熟 + 飛機貨
樹上熟,是指果實在樹上熟至8成,待其吸收好養分再採摘。而市面上的平價榴槤,大部份是都是「早產兒」,過早採摘後,再用人工催熟及船運的方式,故一批貨裡面很多都是「生番薯」,最後能被催熟的數量全憑運氣,且由於營養不足,即使成熟口感亦會較差。而樹上成熟的榴槤,由於營養充足,果肉會呈金黃色,味道更香,亦更有益。不過,由於果實已接近熟透,所以只能用飛機空運,故價錢亦會較貴,但總歸是一分錢一分貨。

揀法二:認住老樹(8年以上),樹齡愈大愈好
年輕的榴槤樹,生長力旺盛,吸收的養份多,其結的果實也較大,但皮厚肉粗,較為淡味。而老樹的根部生長穩定,枝葉不如年輕茂盛,故可將大多的養份流入果實,所以老樹榴槤的品質更好。此外,由於榴槤的產地如泰國和馬來西亞等,都是颱風頻密的地區,果樹被風吹倒的機會甚高,所以老樹稀少,更見珍貴。

揀法三:椗部乾身,尾部脆裂
榴槤成熟時,會抽乾外殼的水份,故而椗部變乾,而尾部變脆乾裂,且翹起

揀法四:敲下去「咯咯聲」
果肉離殼後,敲下去就會「咯咯﹑扑扑」的響,而不是實沉的聲音

揀法五:聞起來有香味
成熟的榴槤,即使不切開,亦有很強烈的榴槤味

最新影片:

----

內容獲「Bless-您的靚水果專家」授權轉載

《Facebook 專頁》:https://www.facebook.com/bless.juices

《Youtube 頻道》:https://www.youtube.com/channel/UC-CGCzylssz5fMuigj-Db1g