【昆蟲出沒】屯門慈雲山連日現多隻黑金龜 街坊︰今個星期屋企出現咗4次

健康 13:05 2022/05/14

分享:

分享:

有屯門及慈雲山居民指,連日來屋企出現多隻黑金龜。

最近天氣反覆不定,一到下雨天家中便出現不少昆蟲。近日分別有屯門及慈雲山的居民在社交平台分享,連日來屋企出現多隻黑色昆蟲,甚至一星期多達4次。網民揭曉原來這是黑金龜,對人體沒有害處。

本周四(12日)facebook專頁「屯門友」發帖文指代街坊查詢,並上載一張黑色昆蟲的照片,表示「今個星期屋企出現咗4次依隻蟲,後樓梯都有,手指公咁大隻」,想看看其他街坊是否知道這是甚麼昆蟲。

最新影片︰

街坊試過有5隻黑金龜入屋

結果不少街坊回覆,家中同樣遇到這種昆蟲,留言「我都出現3次,捉到就喺窗口放佢走」、「呢幾日好多呢隻甲蟲飛入屋」、「我屋企呢幾晚都有飛入嚟」、「晚晚最少都有兩三隻」,甚至有街坊稱「最高試過有5隻入屋」、「呢幾晚加埋都捉咗超過10隻」,形容牠「飛入嚟好似小強,好嚇人」。

    點擊圖片放大
    +6
    +5

此外,一名慈雲山慈正邨正德樓的住戶周三(11日),於facebook群組「慈雲山資訊交流」發帖文,亦有同一疑問「呢隻咩蟲嚟,唔係曱甴」,他當日在家捉了兩隻,又有一隻飛落枕頭邊。一眾慈雲山街坊亦有類似經歷,有同樓街坊表示「我上個星期至今已經捉咗幾隻,每晚熄燈後飛出嚟,嚇到我個仔冇覺好瞓」,也有街坊指「正怡樓𨋢度都有」、「成條走廊都係」、「富山邨都有」。

黑金龜對人身無害

有網民猜測這種昆蟲是蜣螂、獨角仙等。不過,有熟悉昆蟲的街坊指出,其實牠是黑金龜,「無害嘅,呢排係繁殖季節所以見燈會飛埋去,放返出去就得」。有網民請街坊不要打死牠,「落大雨就由佢避下雨」、「不會有攻擊性、食果實」、「甲蟲唔會點主動襲擊人,落完雨搵個兜仔放返佢落樓下公園囉」。

黑金龜是本港常見昆蟲之一,繁殖期為每年4至6月,因此最近不時見到牠出沒。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

責任編輯︰羅嘉欣