【張敬軒演唱會】Stanley@MIRROR帶女友睇騷 洪嘉豪自揭跟軒仔關係

娛樂 19:00 2022/05/14

分享:

分享:

洪嘉豪是張敬軒前經理人兒子。

《張敬軒THE NEXT20演唱會》進入第4場,連日來也有不少圈中好友到場支持,昨晚MIRROR成員Stanley及其女朋友Alina也有到場支持。

Stanely大方跟女友合照。

軒仔於演唱會上稱有跟公司表達意見,不如找過個時間再開:「我真係唔想再喺張竹君醫生個口聽到『張敬軒』呢三個字。我哋同事係咪可以送張飛俾張醫生睇?佢呢三年都好辛苦。」

他鑾指:「我又好擔心明明大家好開心睇演唱會,我哋又好辛苦做好個製作,但好多不明因素,令大家有人生安全憂慮。1月暫停個騷後,我好多晚都好難瞓得著。公司同我講,退飛觀眾唔夠3%,真係要多謝大家,多謝每位觀眾喺呢20年裏面,對我包容同愛。」

Stanley偕女友入場。

第二晚及第三晚,軒仔請來吳林峰及洪嘉豪做嘉賓,第四晚更請樂隊Dear Jane。

軒仔表示很喜歡吳林峰的聲音,兩人認識由網友開始,及後邀請吳林峰為他寫歌,對方非常快手,馬上交了5首高質作品給他,更預告很快大家便會聽到兩人合作的作品面世。吳林峰用完美歌聲唱出個人作品《我也難過的》。

吳林峰。

第3晚嘉賓洪嘉豪上台時,向軒仔道謝,表白沒有張敬軒就不會有洪嘉豪,場面感人。

洪嘉豪是軒仔前經理人的兒子,從小便跟著媽媽及軒仔開工,「我識咗軒仔哥哥20年,當我讀大學嗰陣,我同媽咪講想試吓作曲做音樂,就突然收到軒仔哥哥電話,叫我喺尖沙咀某琴行等,然後佢就買曬所有製作音樂嘅器材俾我,直到今日大家聽到洪嘉豪作曲嘅音樂,都係用佢送俾我嘅器材做出嚟,流住張敬軒DNA,冇張敬軒就冇洪嘉豪今日音樂上嘅道路。」

洪嘉豪謂沒有想過軒仔會將這麼貴重、有紀念價值的一枝咪送給他,當場被感動得差點落淚。

第4晚請來Dear Jane,他坦言跟Dear Jane的緣份真的兜兜轉轉,「佢哋開演唱會,自己好想去做嘉賓,但又撞咗期;上次邀請咗佢哋嚟做嘉賓,啱啱好就係殺停咗佢哋答應嚟做嘉賓嘅日子,好彩今次大家可以真正相聚。」

Dear Jane一齊俾心心。

Dear Jane表示認識軒仔十幾年,「當時軒仔買錄音機嚟我哋band房,啱啱瞓醒個樣。之前有一個好靚嘅錄音室喺廣州,免費借俾我哋用幾日,準備埋食宿,三餐包曬!最特別係知我哋錄完音好肚餓,連宵夜都準備埋,5,6年前,我已經教佢哋隔離,真係好細心,好多謝你。」

軒仔就話:「我係Dear Jane Fans嘛。」Dear Jane表示帶備禮物送給軒仔,叫軒仔站在他們中間,然後4人一齊向他做心心手勢,軒仔開心大笑,「我好少俾四個佬咁樣,好驚嚇,多謝曬,Love You too!」

最新影片推介:林希靈陳安立專訪

撰文 : TOPick柴犬出動