【生仔考牌】任由幼女寵物公園獨自拋波餵零食 狗仔一擁而上場面失控

親子 11:27 2022/05/16

分享:

分享:

小朋友拋波大聲下達指令,令狗狗失控。

寵物公園是毛孩的樂園,不過如有在場有小朋友,就要小心看管免生意外。有網民近日就在社交平台發文,指在將軍澳環保大道寵物公園,見到一名年幼女童,自行用波及零食「訓練」自家狗隻,但由於她下達指令時聲音太大,吸引其他狗狗一擁而上,興奮狂搶。

不少家長都喜歡趁假日攜同小孩和毛孩一同到寵物公園耍樂。網民在Facebook專頁「生仔要考牌系列」投稿,分享在寵物公園遇到的驚險場面。文中指,事發地點為將軍澳環保大道寵物公園。當時有一名母親,帶著年紀看似正讀初小的女童,以及一隻大狗,進入公園的「大狗區」,「個女不停大聲叫隻狗做呢樣,做嗰樣,後來個𡃁妹攞咗個波出嚟,掟出去叫自己隻狗執。」

最新影片推介:

不過,由於女童下達指令時,未有控制聲量,令其他狗狗也被其指令聲吸引,而一眾大狗見到女童拋波,亦追著爭搶,後來佢隻狗搶輸咗,個細路女就喺度大聲發脾氣」。

此時情況已經接近失控,「場面上,丟波、搶波,加上尖叫聲此起彼落,其實有啲狗已經好興奮」。未幾,女童更取出一包寵物零食,想訓練自家狗狗,並再次高聲下達指令,「狗仔大部分都為食,見嘢食就一齊衝過去。然後妹妹可能嚇親,大聲尖叫,成包零食拋出嚟,天女散花咁飛開,於是狗群就更加興奮地搶」。

    點擊圖片放大
    +5
    +4

投稿者形容,當時場面相當混亂,「啲大狗衝過去係完全可以撞飛佢(女童)」,而女童母親見狀竟沒有阻止。

帖文引起不少網民議論,有人直指,「好多家長都係咁,放啲小朋友入去狗公園玩,無論家長係咪狗主都好喇,真係要睇實小朋友,如果唔係之後有咩事又怪責啲狗」;「最慘係有咩事明明係個女自己攞黎,但會入晒其他狗數」。

內容獲「生仔要考牌系列」授權轉載。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯:王明芳