【蝨患困擾】朱智賢飽受木蝨煎熬患創傷後遺症 4招防治木蝨方法大公開

娛樂 11:52 2022/05/16

分享:

分享:

朱智賢飽受木蝨煎熬導致失眠、食欲不振,嚴重影響生活。

TVB劇集《食腦喪B》在上周播完,有份參演的朱智賢在昨日(5月15日)於個人社交平台自爆被「吸血」,兇手是難以殲滅的木蝨,她更晒出被咬的證據,整對美腿卻佈滿又紅又腫的紅點,隔住屏幕都覺得痕!

最新影片推介:林希靈陳安立專訪

失眠兼無胃口

她透露,早前飽受木蝨困擾整整一個月,導致失眠兼食欲不振,嚴重影響生活,最後抵不住離家出走:「在家裡懷疑發現木蝨嘅蹤影,木蝨呢兩個字聽就聽得多,原來當佢出現喺你屋企嘅時候,係真係好可怕。」

朱智賢再詳述當中煩惱:「整整一個月時間受到困擾,咬左嘅皮膚會又痕又痛起水泡,而被咬嘅次數係每日增加。去到最後兩個星期完全瞓唔到,每日係會痕到醒!就算食咗會令人昏迷嘅抗組織安藥都無用,一樣係會痕醒!!!我數過total有40幾粒。」

此事已嚴重影響其生活:「由於已經嚴重影響到我日常生活,夜晚訓(瞓)唔到覺,日頭會因為長期睡眠不足而唔可以正常function到個人,亦都無胃口食野。」

點擊圖片放大
+6
+5

創傷後遺症

朱智賢最後找了滅蟲公司上門解決問題,經過兩次滅蟲行動,木蝨終於被根治。

可惜噩夢仍未完結:「返到屋企始終都係會好驚,我上網睇好多人受木蝨煎熬之後都會有創傷後遺症,原來係真㗎!我尋晚第一晚返屋企瞓覺(一直都唔係好敢返屋企訓),成晚已經好驚唔係好瞓得着,然之後我仲發惡夢成張床有好多木蝨同牛蜱,總之好多吸血嘅嘢都喺我張床度咬我,跟住我就嚇醒咗………」

她透露將全屋進行大清潔,還重新洗過所有衣服及廚具,加上有養狗需要徹底清潔殺蟲藥。她希望腿上疤痕盡快消退:「今次呢個經歷又再remind我,做人最緊要身體健康,無病無痛,如果唔係真係唔會開心。喺呢度亦都希望大家身體健康,希望我今晚可以好好訓一覺。」

點擊圖片放大
+5
+4

防治木蝨方法

1. 用吸塵器處理

  • 用吸塵器於家居四周抽吸,以捕捉四處逃逸的床蝨。
  • 市民亦可在吸塵器的收集袋中,先加入一些殺蟲劑,使吸入收集袋中的床蝨中毒死亡。

2. 清洗紡織品

  • 先用密封厚膠袋或膠箱盛載被木蝨/床蝨污染的衣物、床單、窗簾等。
  • 用不低於80°C的熱水浸泡或徹底清洗
  • 若以乾衣機將衣物、被舖焗乾更佳。待木蝨/床蝨患處及懸掛衣物的衣櫃等地方經防治處理,確保沒有木重/床蝨後才放回原處。

3. 蒸氣噴射

  • 使用會噴出高溫蒸氣的機器,以約80°C的溫度消滅表面及藏在細縫(包括床墊、梳化墊、窗簾、各種家具等)的木蝨/床蝨。
  • 沒被高溫蒸氣殺掉的木蝨/床蝨可能會再次出現,故需施用具殘留性的殺蟲劑預防木蝨/床蝨再現。

預防

  • 預先在吸塵器收集袋加入一些殺蟲劑,用吸塵器於家居四周抽吸,以捕捉四處逃逸的木蝨/床蝨。
  • 使用天然矽藻士製成的粉劑,施放於木蝨/床蝨出沒及匿藏處。
  • 矽藻士能磨損木蝨/床蝨表皮,使其脫水而死。

撰文 : TOPick柴犬出動