【移民外國】全家月入4萬夫擬移民給子女更好教育 港媽憂搵唔到食雙方冷戰

親子 12:16 2022/05/17

分享:

分享:

丈夫希望移民,妻子卻擔憂生計。

近年香港掀起移民潮,不過移民也有相當多因素要考慮清楚。有港媽在網上討論區發文,指自己與丈夫都40多歲,二人英文水平一般,加入月入4萬元,有兩名5及1歲的小朋友,但沒有積蓄。而丈夫近期正計劃移民外國,讓子女有更好教育,惟妻子卻擔心一家人在異地無法維持生計,二人更因此爭執不休,「我同老公已經因為移民呢個話題冷戰咗好多次」。

該港媽詢問網友意見。網民則意見不一,有人認為樓主一家人收入不高,反而值得一搏,「nothing to lose的感覺。體力勞動的工在外國容易揾」;不過亦有網友認為夫妻二人的技能和英水平堪憂,不建議二人貿然移民,「兩公婆本身無乜技能,同人溝通都唔係好得,剩呢兩樣我都唔會去移民。」

近期移民成為港人熱烈討論的話題。有港媽在親子王國論壇發文徵求意見。她指自己與丈夫都已是不惑之年,英語水平不高,「ABC認真麻麻」,雙職家庭家庭月入4萬元,沒有積蓄,「有架平車同層細價樓」,並育有兩名5歲及1歲的子女。

最新影片推介:

樓主表示,夫妻二人「我哋唔貪心亦無咩上進心,自覺生活算係安穩」。不過近期丈夫萌生移民念頭,「希望兩個小朋友可以接受好啲嘅教育」。樓主表示,她其實認同丈夫的觀點,「我哋自問無能力等佢哋大過再送佢哋出去外國讀書」。

同時,樓主亦考慮到家中有70多歲長者近年身體開始轉差,「佢哋已經講明唔會離開香港」,變相如樓主一家四口移民,長者將無人照顧。

而更令這位港媽擔心的是生計問題,「擔心去到(外國)搵唔到食」,她指,「兩個小朋友要人照顧,我老公拍晒心口話佢去搵食,但我好肯定佢係得個講字,佢係咩人我好清楚,絕對唔會積極搵工,就算好彩搵到都會有十萬個理由話辛苦唔做再搵過」。

該港媽也有想過由她外出工作,丈夫照顧家庭,不過她卻不放心另一半的育兒方法,更認為對方根本沒有能力持家有道,「佢嘅湊仔方式係電話、電視同遊戲機放題,咁得閒想佢係屋企幫手做吓家務?絕對係陣間先、下次先、再遲啲先,拖到我頂唔順做埋」。

    點擊圖片放大
    +6
    +5

該港媽又表示,「我同老公已經因為移民呢個話題冷戰咗好多次」,希望網友給予不同意見。而不少網友則極力反對樓主一家移民,「唔識英文打算痞唐人街?我遇過唔識當地語言嘅人,係一世痞唐人街,如果會煮都還好,唔識就樓面都做唔到,洗大餅清潔洗廁所,你做得嚟嗎?」;「我覺得你嘅背景,去到外國好易家變,去到外國無錢已經壓力大,但係爸爸係咁嘅樣,呢個包袱更加大」。

不過,也有很多網友持相反意見,認為「冇乜特別多嘅資產,我會去搏一舖,有乜事咪從頭黎過,但比較難搞係老人家」;此外,也有人建議「搵時間一家人過去感受一吓再決定」;「叫你先生一個過去先,揾到工佢做得掂先成家移」。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

免費【呈分試急救班】立即報名:https://bit.ly/3sFJRE8

【名師試題教室】睇片連工作紙  中英數必學單元:https://bit.ly/3sEeM3Q

責任編輯:王明芳