【雙生陌生人XOPM】黃庭鋒入行遲33歲首當男一 自知輸在起跑線:我做足120%

娛樂 10:47 2022/05/18

分享:

分享:

黃庭鋒一次過連續兩套劇推出。

入行6年、TVB上位小生的黃庭鋒連續3年獲提名「飛躍進步男藝員獎」,無奈每次落空,他接受TOPick專訪坦言失望過、不開心過,但自知對手比自己強,反思自己憑甚麼可以去獲獎?

他在《雙生陌生人》演馬德鐘年輕版,劇中既要跳海又被車撞,他透露拍跳水戲是冬天,不過最怕不是天氣凍,而是他天生畏高:「跳嗰下好驚,震到唔敢跳,救生員都話要跳得好準,不過最後都放膽跳,拍劇就係嘗試一啲以前未做過的,畏高都係平時我要克服嘅!」

至於在另一套現已於mytv super上架的劇集《OPM》更是首當男一。

現年33歲的黃庭鋒,面對同樣是上位小生的周嘉洛、丁子朗等,別人20出頭就已當男一,相反他27歲才入行,自知起步比別人遲,時間不能追回來:「數字上一定是輸!」但自言不氣餒:「人哋做100%,我做足120%,加速自己的演技及主持技巧。」

最新影片推介:林希靈陳安立專訪

首當男一壓力爆煲

新劇《OPM》劇情講述金融界狼人為金錢去到最盡,問到首次做男主角感受,他說:「緊張到爆!未試過要處理咁多戲份,用一個月時間去做資料搜集,去揣摩角色。」

他並不停看里安納度狄卡比奧(Leonardo DiCaprio)主演的電影《華爾街狼人》(The Wolf of Wall Street)偷師,並用1個月時間令自己投入角色。

黃庭鋒回憶首日開工就要爆喊:「導演要我用10分鐘將情緒推到好高位,好大壓力。」於是他有回想表姊當日離世的情景讓自己入戲:「記番起個幕醫院見佢嘅畫面,就著咗!不過之後仲有好多場喊戲,慢慢就拿捏得好少少,愈喊愈順。」

    點擊圖片放大
    +5
    +4

好友張振朗點醒

可是黃庭鋒在《OPM》拍到一半時,出現好孤單感,有次相約好友張振朗去海傍研究劇本及分享感受,張振朗一句說話點醒了他:「係呀!演員係孤單」

黃庭鋒說:「原來不是我一個這樣想,那種孤單是你做男主角要處理很多戲份,你要HOLD晒整場戲,其他人可能只係做表情,Chur到好盡,即刻嗰吓又醒咗,原來條路唔係自己一個行,唔係完全一帆風順,都會有壓力。」

首當男一,34歲的黃庭鋒覺得自己起步比人慢,但他會努力去追!湯志遠攝

最想有代表作

黃庭鋒先後獲提名3次「飛躍進步男藝員獎」,但每次都只屬陪跑,坦言曾有失望、氣餒。

不過他覺得對手比自己強,別人是應該獲獎的:「我提名第一次只是主持,其餘4位都有劇,是演員,或者係有主持加演員,第2年我都只係主持,第3年就先有劇《把關者們》出,雖然外間都幾大迴響,不過始終戲份唔多,所以人哋攞係正常。」

他坦言今年一開始就做冬奧主持,過程非常艱辛,要在零下30度的天氣連續5日,隨時要等2至3個鐘,加上有新劇《雙生陌生人》及《OPM》推出,他期望再度獲提名,不再陪跑!

    點擊圖片放大
    +5
    +4

目標攞視帝

說到丁子朗,周嘉洛20出頭就有男一的機會,今年已經34歲的他,有沒有覺得自己起步比別人慢?他說:「丁子朗、周嘉洛好年輕入行,亦都分別拎到男配及男飛躍,如果只係量度一個年齡的數字,咁我一定是遲入行,丁子朗19歲就入行,數字上真係冇得比,惟有睇吓可不可以加速自己成長步伐,人哋做100%,我做120%,我都為他們開心,20出頭就做男一,我20出頭仲係一舊飯。」

他堅定地續說:「現在最想有自己的代表作,觀眾想起角色就會想起他,又想挑戰動作戲,而最終極的目標就是攞視帝。」

Hair styling@Chris Cheng 
Make up@ Daphy Cheung
Wardrobe@Harrison Wong

記者:陳麗薇