【日日媽媽聲】自揭破壞媽媽「第二春」成遺憾 阮兆祥自責:當時細個唔識諗

娛樂 13:21 2022/05/18

分享:

分享:

阮兆祥對媽媽真的很好!

由余安安、羅敏莊、陳凱琳擔任主持的TVB節目《日日媽媽聲》第二輯,昨晚(5月17日)播出的第二集中,其一的嘉賓為阮兆祥。

對媽媽有遺憾 

阮兆祥透露於17歲時父親因病離世,自此與母親相依為命,他坦言曾破壞媽媽「第二春」,並因而感到一生遺憾。他說:「爸爸去世之後,媽媽其實都有人追,但我接受唔到,當時細個唔係好識諗,媽媽見到我唔開心就放棄咗一段感情,長大之後就覺得自己好自私!」

其實祥仔多次在訪問中透露當年破壞媽媽「第二春」的做法,令他自覺對媽媽有遺憾,故他多年來對媽媽照顧有加,閒時便會與媽媽行街飲茶,絕對是圈中數一數二的孝順仔。

最新影片:林希靈陳安立訪問

【識貨2】陳敏之打溫情牌先拔頭籌 阮兆祥自認烏龜留前鬥後

爸爸離世打擊全家  肩負照顧家庭的責任

而祥仔亦曾在電台節目透露其爸爸突然離世,令全家都接受不了,當時他便成為家中唯一的男丁,更肩負照顧家庭的責任︰「我要變得強壯啲去照顧屋企,多咗份責任。」

祥仔又指早年在活動上,巧遇亡父的一位舊同事,才得悉原來其爸爸對於他當年參加新秀入了決賽,為他感到相當驕傲︰「當時爸爸嘅朋友跟我說:『你知唔知呀,阮sir喺佢locker其實貼住你嘅剪報,你當年參加新秀,他不知感到多驕傲﹗』」

他續稱:「呢啲說話,爸爸從來無同我講過,亦從來無讚過我。」

    點擊圖片放大
    +8
    +7

成為爸爸的驕傲

祥仔回憶說:「我爸爸的偶像是新馬師曾,平時也是曲不離口他可能有他的夢,他的夢都是想站在台上,跟大家分享他的音樂,可能他覺得我個仔都開始完成他的夢想,在他走後我才知道的事,會更令我有動力去做好一切,將他的夢想延續,希望他在天家會覺得驕傲。」

所以自從祥仔爸爸離世後,他與其姐姐侍母至孝,一切都以媽媽為先︰「我將呢份孝心全部放喺媽咪身上,希望爸爸能夠放心。我依家嘅成就,係爸爸保佑,雖然佢唔喺我身邊,但佢都會睇到,有時我都會對住爸爸張相同佢傾偈,好似互相溝通咁。」

撰文 : TOPick柴犬出動